اشحالكم بنات ربكم بخير
انا ماعرف اذا كان هالقسم هو المناسب والا لا بس انا لقيته الانسب بما انه قسم العلاقات العائلية وان شاء الله يكون تخميني صح
اليوم يايبتلك موضوع يديد.. والهدف منه تبادل الثقافات والخبرات وفي نفس اللحظة نعرف عادات كل اسرة في اي دولة كانت.. يعني نبا مشاركات حتى من البنات اللي مب مواطنات
موضوعي هو :
نبا كل وحدة فيكم تخبرنا عن الـخـطـوات اللي يتبعونها من البدايه لي النهايه
"" من يوم يشوفون بنية تعيبهم حق اخوها عمها خالها اي حد من اهلها لين يوم الملجة""
يعني مثلا:
1. يرمسون البنية والا امها والا اهلها وها يكون عن طريق التلفون والا كيف؟
2. يوم بيسيرون يخطبون (يقدمون الطلب): منو اللي بيسير؟ وشو بيقدمولهم اهل البنية ( عشا والا بس فواله)؟ وهل ياخذون هدايا والا وشو طبيعة الهدايا
3. متى تكون النظرة الشرعية؟
4. يوم الـخـطـوبه نفسه (بعد الموافقة): شو بياخذون وهل بيكون عشا والا وفواله وعلى منو ووو….
5. يوم الملجة: شو بياخذون؟ والعشا على منو وجي يعني
يعني المطلوب ان الموضوع يكون كامل والكمال لله .. عشان نشوف هل كلنا عندنا نفس العادات وشو بالنسبة للدول الثانية وفي نفس اللحظة للي ما يعرفون يتعلمون.. واللي عندها شي بتزيده تزيد انا بس عطيتكم امثله وانتوا عليكم تخبرونا السالفة من طأطأ لي سلامو عليكو
وان شاء الله الكل يقدر يستفيد وفي نفس اللحظة يفيد
ونبا مشاركات من الكل
اخوي من فتره كان يبانا نشوف له بنيه للزواج وانا عيبتني اخت ربيعتي ف رمست ربيعتي ان كانت اختها مخطوبه او لا قالت لي لا قلتلهاالسالفه جيسي نبض البنت وانا بجس النبض عند اخوي وبنتفاهم
اختبرت ختها واختها موافقه ع اي شخص زين يخطبها وانا اختبرت اخوي وطلع يبا بنت ناس محترمين بس تكون اصغر عنه وحلوه واي بنت محترمه عادي عنده
ف رمست امي وامي رمست ام البنيه واتفقن
سرنا بيتهم خطوبه رسميه وخذنا لهم سلتين حلاوه بس و تعشينا عندهم
وكانت النظره الشرعيه نفس اليوم
وعقبها بشهرين ملجوا وعرسهم ان شاء الله شهر 4 وكان مفروض يكونون معرسين بس وايد تأجل العرس لظروف خارجه عن ارادتنا كلنا
المشاركة الأصلية كتبت بواسطة ساره السويدي 
اخوي من فتره كان يبانا نشوف له بنيه للزواج وانا عيبتني اخت ربيعتي ف رمست ربيعتي ان كانت اختها مخطوبه او لا قالت لي لا قلتلهاالسالفه جيسي نبض البنت وانا بجس النبض عند اخوي وبنتفاهم
اختبرت ختها واختها موافقه ع اي شخص زين يخطبها وانا اختبرت اخوي وطلع يبا بنت ناس محترمين بس تكون اصغر عنه وحلوه واي بنت محترمه عادي عنده
ف رمست امي وامي رمست ام البنيه واتفقن
سرنا بيتهم خطوبه رسميه وخذنا لهم سلتين حلاوه بس و تعشينا عندهم
وكانت النظره الشرعيه نفس اليوم
وعقبها بشهرين ملجوا وعرسهم ان شاء الله شهر 4 وكان مفروض يكونون معرسين بس وايد تأجل العرس لظروف خارجه عن ارادتنا كلنا
تسلمين على الرد والله يوفقهم ان شاء الله ويتمملهم على خير
لعيـونـج { برنجلـس }
~*..
يعني مثلا:
1. يرمسون البنية والا امها والا اهلها وها يكون عن طريق التلفون والا كيف؟
على حسب البنت يايه من صوب منوا
2. يوم بيسيرون يخطبون (يقدمون الطلب): منو اللي بيسير؟ وشو بيقدمولهم اهل البنية ( عشا والا بس فواله)؟ وهل ياخذون هدايا والا وشو طبيعة الهدايا
الوالده .. وعمتيه ,, على حسب الوقت اللي سايرين لهم فيه ,, ونحن اهل الولد اذا سرنا نخطب ما ناخذ هديه .. الى في المره الثانيه اللي انروحلهم فيها
3. متى تكون النظرة الشرعية؟
من بعد الاتفاق بين الرياييل والحريم
4. يوم الـخـطـوبه نفسه (بعد الموافقة): شو بياخذون وهل بيكون عشا والا وفواله وعلى منو ووو….
ناخذ صينية حلاوه .. او صياني فواله .. على حسب
5. يوم الملجة: شو بياخذون؟ والعشا على منو وجي يعني
يوم الملجه ناخذ حق البنت ذهبها وشنطه في كل شيء نوع .. وطبعا اتكون الشنطه راقيه وراهيه بعد .. والعشاء على اهل البنت .ز بس احيانا اتصير مناقشات واختلاف في الراي ف يكون العشاء على اهل العروس