المطلوب منكن انه كل وحدة تكتب شو الاكلات اللي اتسويها على الغداء حق ريلها وعيالها … لاني مليت من الروتين وابغي انوع في وجبات الغداء .. فيا ليت كل وحدة تكتب شو اتسوي او شو تقترح علي اطبخ للغداء ،، حتى لو كتبتن صفحة كاملة مب مشكلة عندي ………… المهم ابغي اغير مليت من العيش الابيض والبرياني والمجبوس . كتبن كل شي
ويزاكن الله كل خير وكل عام وانتن بخير ان شاء الله
هلا اختي … انا بصراحة موظفة .. و عمتي ام زوجي ( ربي يطول بعمرها ) هي المسؤولة عن الطباخ (^_^)
و مرات اتسوي لنا ( محاشي – معكرونة البشاميل – كشري – مشاوي – فتوش و تبولة + العيووش بأنواعها ) خخخخ
ملاحظة ( عمتي مصرية ) فعسب جذه نحن ما نسوي عيوش كل يوم
واذا كان مجبوس او برياني او مندي يسوي الطباخ شوربه او سلطة مقالي او معكرونه بالبشاميل او محاشي
وطبعاً التمر شي اساسي والعصير مب الغازيات لا ممنوع
احيانا اسوي شوربات وسلطه او مشاوي يعني اي شي يخطر على بالي اسويه وطبعا التزين يلعب
دور في الاكل ولا غنى عن المكرونه بأنواعها وبس وان شاء الله استفدتي شي اختي
يعطيج العافيه
ميثاني العيناوية
أم منصور2002
سيدة الروح
بس بقترح عليج يوم تسوين معكرونه مع صلصة بكرات اللحم
ويوم تسوين لازانيا
ويوم تسوين عيش بالطريقة الصينية يعني بالخضار
ويوم تسوين بشاميل
ويوم تسوين مشاوي + مقبلات حمص وتبولة وهالسوالف
هذا اللي يحضرني الحين ان شاءالله أفدتج بشي
تحياتي 