شو شعورج انتي يالحرمة الزينة الي ما فيج اي عيب كبير لو زوجج فاتحج برغبته بالزواج من حرمة ثانية بالرغم من الحب المتبادل بينكم و لكن هو له رغبه اما يقلد ربعه او يبا حرمة بالحلال يمتع عمره اي سبب…
اول شي شو ردج و ليش؟
شو احساسج؟
بتطلبين الطلاق اذا اصر؟
بتاخذين عيالج و الا بتخلينهم عنده (اذا قررتي الانفصال)؟
هذا مجرد استبيان لآراءكم و لو سمحتوا لا تسون عماركم مثاليات و عادي و ما اعرف شو و لا تقولون الي ما يبانا ما نباه……….. قلت نبا الصدق
انا ببدا
اول شي شو ردج و ليش؟ لا … لاني اغار و ما اقدر اتحمل .. يعني يمكن اتخبل
شو احساسج؟ بحس انه انا شو قصرت و ليش يبا غيري و بحس اني مب كل شي عنده
بتطلبين الطلاق اذا اصر؟ هيه
بتاخذين عيالج و الا بتخلينهم عنده (اذا قررتي الانفصال)؟ مممم… ما اعرف شو بيكون قراري بس اتوقع انه بخليهم عنده شوية عشان يحس انا شو كنت اسوي (احسن خله يتوهق شويه)
دوركم
البـــــــــارحة أرمس ريلي في هالمــوضوع .. سبحان الله
وردي ع الأسئلة من غيـــــــــر أي مجاملات
اول شي شو ردج و ليش؟
عادي بصراحة أبيله الخيــر
صح مافيني عيب ولا قصرت معاه بس الشرع حلل له أربعة
وأنا أرضالـــــه الحلال عشان ما يطيح بالحرام
شو احساسج؟
صحيح هي صدمــــــــة بس ان الله أرحم الراحميـــن وانه مع الصابرين
بتطلبين الطلاق اذا اصر؟
ليش أتطلــــــق !!
أصير مطلقة علشان بيتزوج !!؟
اعدل بيني وبينهـــا وانا اكون مثل ما أنا واحسن بعد ^_^
بتاخذين عيالج و الا بتخلينهم عنده (اذا قررتي الانفصال)؟
مممم ما عندي عيــال وما أعرف كيف أرد عليج بس ما في أم تتخلى عن عيالها عشان يتبهدلون عند الغيــر
ومحد في هالزمن يتحمل عيال أحـــــــــــد !
بقوله بسم لله عليك شو تتمصخر وياي..
شو احساسج؟
أكيد بحس إني بموت ( بعيد الشر ان شاء الله )
بتطلبين الطلاق اذا اصر؟
أكيد لا ، ما تهون علي العشرة ، وأدري به يحبني..
بتاخذين عيالج و الا بتخلينهم عنده (اذا قررتي الانفصال)؟
أكيد باخذ عيالي ، اصلا انا ما اقدر اتم بدونهم الله يحفظهم من كل شر..
بس إن شاء الله ما أتحطى انا ولا أي وحده في هالموقف..
يمكن يتمصخر بس لو جد يا ويل ويله يا سواد ليله خخخخخخخخخخخخخ
شو احساسج؟
بكون معدومة الاحساس ويمكن اتحول لمجرمة
بتطلبين الطلاق اذا اصر؟
بطلب الطلاق
بتاخذين عيالج و الا بتخلينهم عنده (اذا قررتي الانفصال)؟
بخليهم عنده عسب يحس بجيمتي عدل عدل و بعدين باخذهم
احساسي: اعتقد اني بحس ان ضو شابه في قلبي و بموت من القهر
الطلاق: لا و ألف لا, ليش اخلي الثانيه تتهنى به و انا اموت بحسرتي
العيال: بخليهم عندي و بيلس في بيتي ما بطلع منه.
ساعات بيني و بين نفسي اقول اذا استوا هذا الشي الله لا قال ما بحسسه اني اعرف , بس بصراحه ما اضمن نفسي.
احساسي : بموووت فعلا والله لاني اغار عليه من ثيابه شقايل من حرمه بياخذها عليه ..
بتطلبين الطلاق : امممم مادري لكن مابا اشوفه اباه يظهر من بيتنا برايه لا يطلقني لكن مابا اشوووفه ..( صدقت)
العيال: بيلس وياهم ف بيتنا اللي اتمنى انه ما يدخله مره ثانيه …
انا دوم اتناقش وياه ف هالموضوع ..ويعله ما يستوي لين اموووت وهو واعدني انه ما يسوي هالشي ..
ميروووه
احساسي يمكن يموت قلبي من صوبه واكرهه
اكيد بطلب الطلاق وبشل بنتي ولابيشوفني موليه ولانبا منه شي خل الي بياخذهاتنفعه
بس بعدج ماقولتي ليش طرحتي الموضوع..؟؟؟؟؟