شعر بنتي الصغيرة متقصف افيدوووووووني تصميم عصري

السلام عليكم خواتي
مثل ما شفتوا العنوان بنتي عمرها 3 سنوات صغيرة و شعرها نااعم

بس المشكله ان شعرها فيه تقصف يوم امشطه يكون مرتب عقب

كم ساعة يرد يكش ويبين انه متقصف وباهت شكله من التقصف كانه جاف بس هو اصلا ناعم ما ادري كيف اعتني فيه

علما اني يوم اغسله ويوم لا بشامبو بيبي جونسون الاصفر

الله يخليكم خبروني اذا في خلطات حق البنات الصغار عسب يرد شعر بنتي

وشو الزيوت اللي تحطونها للبنات والشامبوهات اللي تستخدمونها حق بناتكم

اللي شعورهن نااعم ومقصف ولاقوا العلاج المناسب

انا كنت اجرب زيت املا مع زيت الخروع ما فادها وايد وقفته
بدعيلكم خواتي افييدوني

ياختي بعدها صغيرونة شو تبا فالشعر الطويل فراي تقصيلها أطرافه كل شهر

رايي من راي البنت الي قبلي ..شو تبا بالشعر الطويل بس انتي قصدج تبين تعالجينه حقها من التقصف

قصي اطرافه ودهنيه بكريم او زيت نارجيل ومن تغسلينه هاتي بقاعة ايدج ودهنيه حلو وايد لليهال

بنتي بعد نفس المشكل..

قبل لا تبحثين عن علاج شوفي الاشيا الي تسوينها دايم و ممكن انها تضر شعر البنوته بدال ما تفيدها..

يمكن انتي تمشطين شعرها و اهو مبلول و هالشي غلط و يسبب تقصف او يمكن تنشفين شعرها بالفوطه بطريقة الفرك و هاي الحركه وايد اتعب الشعر.. حاولي تمشطينها بعد ما ينشف شعرها تماما من الماي و عقب حطيلها قطرات بسيطه من كريم الشعر او تونيك الشعر موجود بالجمعيات
و اذا حبيتي شي طبيعي عندج منتجات

macadamia natural oil اهي للكبار لكن تقدرين تاخذين الكريم و تحطين منه كميه بسيطه في ايدج و تحطينه في شعرها و مشطيه عادي

انا ما ابا شعرها يكون طويل بس ابا اعالج التقصف

اختي انا ما قلت ابا اطول شعرها .. بجرب زيت النارجيل بس يمكن قبل ما اغسله لانه فيه ريحة مو حلوة شرات الهنود وبعد ما اغسله اي كريم احط احسن

صح يمكن لاني امشط شعرها وهو مبلول وبعدها ما احط اي شي لا كريم ولا شي لاني خايفة احط كريم يخرب شعرها.. بجرب اللي قلتيه وان شاء الله يفيدها .. اول مرة اعرف هالكريم بدور في الجمعيات بس اهم شي ريحته تكون حلوة ما تفشل.. وهو عبارة عن اي زيت ؟