اليوم كنت رايقة فقررت ابدع شوي واسوي لريلي عشاء يحبه وهو شوارما الدجاج .. سهل وسريع في خلال ساعة يكون جاهز
والحين ني للطريقة
في البداية نقطع الدياي لشرائح وبعدين نقطعه بالطول ونغسله ونخليه في المنخل شوي
وبعدين انضيف عليه الروب وشوية بهاراه ع حسب الرغبة وملح وثوم ونخليه على جنب
ونقطع شرائح البصل والطمام وبقدونس ونعناع
وطبعا ما ننسى الطحينية وهي عبارة عن ماء وخل وطحينية
والحين نولع الفرن ونيب تاوه ونضيف الزيت عليه ونخليه يسخن عدل ونضيف عليه الدجاج المتبل
وهني في نقطة مهمة نخلي النار عالي عشان ما ينزل ماي من الدجاج ونتم نحركه لين ينشف الماي ونضيف عليه شوية من شرائح البصل والطماط ..
وهذا السندويج جاهز طبعا بالخبز الاسمر عشان ما اخرب الرجيم خخخخخ
وهذا للتعذيب هههههههههه
ها شو رايكم في الشاورما
وانا يعيبني أكثر يوم يكون فيه بطاط ومخلل
تسلم الايييييييييييييييييييييييييييييييييادي
المشاركة الأصلية كتبت بواسطة فوفو فوفو 
وانا يعيبني أكثر يوم يكون فيه بطاط ومخلل
مشكورة ع المرور
بس أختي ملحوظة صغيرة وقبليها مني لوسمحتي
شاورما الدجاج ينحطلها بطاطا ووكريم ثوم ومخلل بالصندويش
أما الشاورما اللحم ينحطلها بصل شرائح وبقدونس وبندورة وطحينة
حسب معلوماتي
تسلم ايدج …