شخباركم بنات ؟؟
جفت هالطريقه بموقع من المواقع الاجنبيه وعيبتني وااايد
بدال ما نشتري شنط ب 200 و 500 نحن نقدر نسويهم بدقايق والادوات عندنا بالبيت والي بيجوفها بيتحسبج شارتنها من مكان وغاليه
هاي هي النتايج ..
مب الشنطة الورديه شكلها راقي واايد .. عيبتني وطريقتها سهله 
اذا حبيتوها كملوا معاي وجوفوا الطريقه
توقعوا كيف كان شكل هالشنط قبل
هيه كانو بديات … @__@ سبحان الله
يالله نبدا بالطريقه
بسم الله
1__اول شيء نقص القطعه الي فيها اسم الماركه
2__ثانيا نبطل هالحبل المخيوط من داخل القميص
3__اذا كان شكله مثل الستيان نبطل البلاستيك منه
4__والحين نقص الحمالات الي فوق ونخيطهم بهالشكل
5__نجسف القميص بهالشكل
6__نحط دبابيس ونثبته بهالشكل ونخطط شكل المخبا بهالمكان
7__نخيط مكان المخبا الي خططناه
8__نستخدم الغرزة الي تمتد مع النسيج المترابط .. مثل غرزة الثلاث مرات ع التوالي بمكينه الخياطه.. ونخيط الاماكن الي تفصل بين المخبا والقطعه نفسها ..
وهذا الشكل النهائي
يتبع
هالطريقه
1__ نقطع القطعه الي داخل القميص الي فيها اسم الماركة بمقص او مشرط
2__ خططي بالقلم وين تبين تخيطين نهاية الشنطة بالبلاستيك.. هني بالصوره خطط القلم 5 انش قبل نهاية القميص
3__خيطي النهايه بهالغرزة الموجودة بالصوره او دخلي بلاستيك داخل هاللي يخلي القطعه استرتش … ومن فوق قصي الحمالات وخيطيهم ببعض
4__قطي القطعه الزايده
بعد ما تجلين القطعه تطلعلج هالشنطه الحلوه
وتقدرين تزينينها بورده صفرا او اي شيء تحبينه
اتمنى انه الموضوع عيبكم
انتظر دعواتكم لي بالتوفيق بحياتي مع ريلي وعيالي
>>وانتي كاتبه مححجوز ماقدرت اتريى هع
شكرا ع الرد الي يشرح الصدر
تسلم ايدج