سويت كيراتين في دبي بـ 700 درهم والأصلي لبرة صحية

السلام عليكم

اشحالكن خواتي عساكن إلا بخير

أنا وايد شفت من الخوات الي سوت الكيراتن ب 1900 والي 1600

انا سويت كيراتين في دبي بـ 700 مع الشامبو والبلسم 200 بس أنا ما خذت الشامبو والبلسم (أنا شعري قصير لين الكتف), وايد حلو وما يقطع الشعر وهو أصلا علاج يعني يتم ناعم كمن يوم من تغسلينه يرجع شعرج الطبيعي بس مادة الكيراتين تكون موجودة في الشعر لانه علاج مب تمليس

وانا سويته قبل في صالون في الشارجة قصوا علي وشلوا عني 3500 مع السيروم وطلع تمليس مب كيراتين مقلدين عليه وضايفين التمليس فيه وشعري تقطع كله ما تمت ولا شعر ه وبعدها بفترة طويلة شعري طول نفس قبل كمل سنة ونص لين رد نفس قبل شعري قصير بس مع الاهتمام تحسن ويطول شوي شوي وسويت له حمام زيت اسبوعيا واااااااايد تحسن بعد جلسات حمام الزيت

ومازلت أسوي له حمام زيت أسبوعياً في البيت اشتريت جهاز البخار

والسموحة

ماشاء الله زين انا بعد حسيت انه سويلي ياه اوكي ب 1750 ويا الشامبو والكريم وانا شعري طويل وغليظ ماشاء الله بس بغيت اسالج عن زين عادي تحطينه عقب الكراتين ؟
ممكن تخبريني الطريقه الي تتبعينه وشو نوعية الزيت الي تستخدمينه ؟
انا اعاني من جفاف شعري واااااااااااااايد كل ما سيرت صالون قالولي شعرج جاف الله يعين بس

مشكلة تضاارب الاسعااار و الله

حبيبتي أنا بعد شعري وايد جاف بس أنا الحين استخدم حمام زيت ع البخار اسبوعيا ومن يخلص المنتج الي عندي بستخدم زيت الثوم وايد مفيد للشعر وبسويه مرتين في الاسبوع ع البخار لمدة 10 دقايق

هذا والله الموفق

انزين حبيبتي كيف طريقة الاستخدام يعني تحطين على الخمره ودلكينه

وتلمين شعرج وتحطين شعرج تحت البخار ولا كيف ؟؟؟ وشو نوع الزيت الي تستخدمينه الحين ؟؟

انـــــــــزين ما تحسون ان البخار والحرارة تضر الشعر ويقصفه؟؟
انا بعد شعري واايد جاف بس الصراحة اخاف اسوي هالسوالف..
ما اعرف شو اسوي؟؟؟؟

هيه احط الكريم وادلكه 5 دقايق والم شعري واحطه تحت البخار لمدة 15 دقيقة
حاليا

بس ما استخدم زيت الحين الزيت بستخدمه من يخلص المنتج عندي الكريم