سويت رووووووووووووعه بالصور….. المطبخ الاماراتي

هذا السويت عندي من زمان…. واول مرة اسويه….ما ادري من اي مدونة ماخذتنه… المهم الله يجزي صاحبة الوصفة كل خير… بصراحة السويت رووووعة وطعمه جنان…. جربوه ما بتندمون….

المقادير..
بسكوت شاي.. (اولكر)
كوب حليب بودره
1 قشطة
قطعة صغيرة زبدة
نص فنجان ماء
فنجان سكر

الطريقة..

اول شئ نغطس البسكوت في حليب ونرصه في بايركس …
نحمس الحليب البودره لغاية ما يحمر ونشيله من على النار, نضيف له قشطة واحده والسكر والماء والزبدة ونخلط… ونصبه على البسكوت.. نحط طبقه ثانية من البسكوت… ويوضع في الثلاجة…

مقادير الطبقة الاخيرة..
ظرف كريم كراميل
1 قشطة
كوب وربع ماء
4 ملاعق اكل حليب

طريقة الطبقة الاخيرة..
على النار نخلط الماء والحليب والكريم كراميل والقشطة ونسوي كراميل… ونخليه على النار شوي…. ولما يبرد شوي نصبه على السابق… ندخله الثلاجة…

ملاحظة::: خلوه في الثلاجة مده كافية علشان تتماسك (انا ما خليته وايد لان بو الشباب كان مستعيل عليها فطلعت سايحه شوي).. وزينيه اذا بغيتي… انا زينت نصه بالفارماسيلا الملونه وخليت النص ساده…

تقطع صغار وتقدم…

بالعافية عليكم….