سويت الطوارئ ( مارس بالأرز المحمص )

السلام عليكم ورحمة الله وبركاته

عساكم بخير خواتي هاي اول مشاركه لي بقسم الطبخ

وان شاء الله هالسويت يعيبكم مثل ماعيبني من اول ماشفته وحسيتبه

سريع وماياخذ وقت يعني لو ضيوفج قالو انهم بيون وانتي ماتعرفين السويت

اللي راح يخلص بسرعه بهالوقت القصير عليج بسويت الطوارئ طبعا انا سميته جي هههه

( مارس بالارز المحمص )

هالسويت شفته بأحد المدونة وقلت اجربه وفعلا لذيذ مايباله شي ومقرمش
يمي

بسم الله نبدأ بالمقادير

الارز المحمص ( احد انواع الكورن فليكس )

قالب الكب كيك

للعلم خواتي حطو قد ماتبون من الارز المحمص يعني ماله مقدار بغيتي
جوكليت اكثر حطي الارز المحمص شوي والعكس صحيح ..

انا طبعا قللت من المقادير خذت 4 مارس ونص اصبع زبده ..

نحط المارس والزبده بجدر فاضي وتحته يكون جدر او مقلاه فيها ماي حار

وبعد مايذوب صبي عليه الارز قد ماتبين واخلطيه زين مازين وكوريهم نصيحه مني
خذو القوالب الصغيره عشان تسوون دواوير صغيره لأن هالسويت يحتوي على سكر
زياده .. انا اضطريت استخدم مال الكب كيك لأني نسيت اشتري >< فغصبا عني سويتهم
كبار وترومون تزينونهم بجوز الهند او التوفي او اي شي انتو حابينه..

وعقب غطيتهم بقصدير ودخلتهم الفريزر والافضل يكون بالثلاجه عشان مايتجمد وايد
غير لو تبينه يتماسك بسرعه حطيه بالفريزر بس مب تنسينه @@