سوق الذهب – دبي جديد

هلا الغاليات ،،،،،،،،،

فكرت افتح موضوع عن محلات سوق الذهب اللي بدبي ،، او اي محل بدبي

علشان الكل يستفيد ،، مب بس اللي بيعرسن ،، لان تعرفون الذهب كل يوم سعره يتغير واحنا ورانا اعياد ومناسبات

كل وحده اتحط احسن محلات سوق الذهب بدبي ،، من حيث التصاميم والاسعار وشو نوع التصاميم ،، يعني هالمحل مميز بالالماسات او بالدبل او بالذهب البحريني او الهندي او الديزاينات الاوروبية

بالنسبة لي ،، اتعامل دايما مع:

1) باسكر (اللي بالسطوه) ،، خاصة يوم ابغي ابيع ذهب او اخذ شي على السريع لانه ايكون اجرب لي ،، اسعاره حلوه بس ما عنده وايد ديزاينات

2) سرغم (السطوه) ،، عنده ديزاينات غريبه ،،، بس ما ينقص وايد بالسعر

3) اوشيان (سوق الذهب – دبي) ،، عنده الاطقم الذهب حلوه ،، وبعد الخواتم حلوه ،، وينقص بالسعر

4) قحطان (سوق الذهب) ،، اتعامل مع العراقي ،، عنده الماسات واطقم ذهب ،، تصاميمه حلوه ،، وينقص بالسعر بس مب وايد

وفي محلات ثانية بس ما اذكر اسمها

اتريا تفاعلكم مع الموضوع

هلا حبوبة.. تسلميييييييييين الغالية عالموضوع.. انا ادور جي مواضيع.. وانتي ساعدتيني وايد لاني ابا اشتري حق عرسي.. مشكوووووووووووورة

^^

انا من بوظبي … ماعندي فكره فدبي
واتمنى يساعدونج بنات دبي

والله المحلات كثيره بس ما تحضرني الاسماء احينه بسير السوق صباح الغد وراح نكتب اراء الجماهير ههههههههه ونعرف افضل محل يعني بنقص عليه على اساس نحن من الجوده العاليمة وعقب لنا الحق في معرفة افضل محل من حيث الاسعار ولا شو رايكن يابنات؟؟

صدق بتسوين جذي ؟؟

هههههه

صح انا تذكرت ،،، انا مرات اروح عند بوبلي ،، اللي في سنشري مول او مول الامارات ،، مرات احصل عنده موديلادت ذهب رووووعة

افيدوني بعدني ماشتريت ذهب للعرس

الغالية

روحي سوق الذهب وشوفي كل المحلات

واسالي عن سعر الذهب اللي بنفس اليوم ،، ودايما اذا عيبج شي ،، اسالي عن وزنه ونوع القيراط (21 او 18 او 22 او 24) واحسبيها انتي بعد

بالاضافة الى انهم بيقولون لج لازم ايحطون مبلغ للتصميم وسعر التصنيع

اذكر مره حصلت طقم وعيبني ،، وحصلته في محلات ثانية باسعار مختلفة ،، اخر شي رديت وخذت السعر الارخص