سورة يوسف << منوه بتعيني ولها الأجر للفتاة المسلمة

السلام عليكم ورحمة الله وبركاته

اشحـــــــــــالكن الغاليات

حبيباتي /

من مده وانا الاحق موضوع ( منوه تبا تحفظ القران كامـلا << او بهالمعنى) .. بس للأسف لا حياة لمن تنادي .. ما ادري اللي كاتبه الموضوع وين راحت ..

ع العموم .. لو الانسان ينتظر الغير ممكن يتأخر …

لذلك حبيت أنا أبادر وأبدأ وما انتظر أحد .. وما شاء الله تبارك الله الاخوات اللي فيهم الخير في هالمدونة واااااايدات عسا الله يبارك فيهن ..

خواتي /

أنا حافظة تقريبا نصف القرآن .. واريد أخلص .. بس ودي باللي تساعدني .. بشرط تكون متواجده كل يوم .. وإذا هاليوم ما بتدخل المدونة تعطيني خبر عسب ما أنتظرها وإذا انا ما بدخل بعطيها خبر عسب ما تنتظرني ..

وببدأ من سورة يوسف .. ياليت أحصل اللي يسمعلي .. وإذا وحده حابه تحفظ معاي حياها ..
ومافي تقييد .. يعني .. كل وحده بتشترك ويانا في هالحلقه تحفظ اللي تقدر عليه بس بشرط يومي .. حتى لوآيه .. يعني اللي تحفظينه تعالي وسمعيه .. آيه آيتين .. عشر آيات .. السورةكامله .. المهم في حد يتابع ..

بس ما ادري ..
أنتوا شوروا علي .. هل يكون التسميع عن طريق المدونة .. والا عن طريق المسن

ولو اخترتوا عن طريق المدونة أنا عندي طريقه بقولكم اياها بس بعد ما أجوف الردود ..

في انتظاااااااااااااركم

وعسى الله يوفقنا لما يحبه ويرضاه

مبرووووووك عليج حفظ كتاب الله والله يثبته بقلبج ان شاء الله وعقبالنا يا رب
تسمحيلي اشترك وياج وان شاء الله اسمع لج وتسمعي لي ويزاج الله خير مقدما
والله يجعلنا من حفظة كتابه الكريم
رفيقتك في حفظ كتاب الله
الخيزران

هـــــــــلا خيزران ..

حيااااااج وياي الغاليه ,,

طيب .. أنا ببدأ من اليوم .. بس متى بتكونين موجوده في المنتدى ؟ عشان وقت التسميع ؟

اذا بنسمع عن طريق المنتدى .. عندي فكره ..
واللي هي ..

اني أتواجد أنا وياج بنفس الوقت .. يعني إذا انتي متواجده طول فترة العصر بشكل يومي .. خبريني .. وأناأول ما بدخل المنتدى في هالوقت .. بطرشلج رساله خاصه اني وصلت .. وأنا وياج بنجتمع على طول في هالصفحة .. وبكتبلج اللي حفظته .. وانتي عدليلي الأخطاء .. بس مثلا .. إذا أنا حفظت 15 آيه .. بكتبهن خمس خمس .. يعني بكتب أول 5 آيات .. وانتي صححلي .. إذا صح قولي كملي .. وإذا في غلط صححيلي اياه .. وهكذا ..

وإن شاء الله بحفظ عن طريق سماع سورة يوسف بصوت الشيخ مشاري العفاسي .. عشان أتقن الحفظ بالتجويد ..

وعسى الله يتقبل منا هالعمل

هلالا وغلا اختي في الله شوفي انا متواجدة دايما في المنتدى الصبح والعصر وفي الليل بس متى الوقت بالضبط
ما اجدر احدد لج انت ادخلي وسمعي وان شاء الله ما يتأخر عليج واذا دخلت بتشوفين اني مصلحه لج بس انا
تسمعي ان شاء الله ما بسمع اليوم لاني بعدني ما حفظت شي وابا ابدا وياج بسورة يوسف ومجرد ما احفظ بسمع اهني وانتي متى ما تفيجتي صلحي لي وهكذا

الغالية ابي اكون وياكم ،، حبوبة لحظه لا تستعيلين ،، خلي كل شي مرتب ،، يعني مثلا نبدأ من باجر ،، ونحفظ عشر او خمس عشر آيه وجيه ،، اترياااااااااج ،،

أوكي ,, باجر بنبدأ ..

كل وحده تحفظ اللي تقدر عليه .. و تسمع اللي حفظته .. بس يالييييييييييييييت يكون التسميع سريع .. لانه لو تأخر التصحيح أحس ما بيكون الموضوع له فايده .. يعني عادي بفتح المصحف وبصحح أغلاطي بروحي .. فالأحلى انه يكون أثناء التسميع يكون الطرفين موجودين .. ويسمعن .. بيطلع التسميع كأنهن يسمعن عن طريق المسن .. وحده تكتب والثانيه تصحح << احسه جيه احسن ..

والراي الاول والاخير لكن

الله يوفقكن خواتي