امس سويت غدا وحبيت اشاركم بسفرتي البسيطة والسهلة وان شالله تستفيدون من الاصناف
مع العلم كلها لذيذة <<<سفرتها اكيد بتقول حلوة
هاذا غدائنا ^_^
الغداء عبارة عن :
دجاج كودو , دجاج فيليه , سلطة بطاطس بالجرجير , سلطة خيار وجزر مع الكرم . شوربة عدس
بنزلكم في رد كل طبق مع خطواته ومقاديره
طبعآ الكودو نفس السندوتشات الي نشتريها من مطعم كودو انا الصراحة تعلمت الطريقة من الثانوي بس مرة لذيذة
اذاكان غدا ممكن تسونها مع رز واذا عشا مع سندوتشات
المقادير :
حبة دجاج
ملعقتين صلصة صويا
ملعتين خل
ملعقة ملح
ملعة فلفل اسود
وبصل وفلفل رومي بدون كمبية وكل مازادت كان افضل
الطريقة :
نقطع الدجاج مكعبات ونحط عليه التتبيلة الي هي ملعقة ملح وملعقة فلفل اسود وملعقتين خل وملعقتين صويا صوص
نخليه يتبل لمدة ساعة
بعدين نجيب قدر ونحط فيه شوووي مرة زيت
ونحط الدجاج
الين مايصير نص استواء نضيفله البصل والفلفل الرومي
نخليه الين يذبل البصل مع الفلفل الرومي
وقتها انقدمه بالهناء والعافية اذاكان غدا ممكن تسونها مع رز واذا عشا مع سندوتشات وكل واحد ورغبته ^_^
الشكل النهائي
انتظروا باقي الوصفات ^_^
المقادير
صدور دجاج
بقسماط + جبنة بارميزان
بيض
ملح وفلفل اسود
الطريقة :
نقطع صدور الدجاج طويلة يعني الصدر قسمين
وبعدين نتبلها بالملح والفلفل الاسود
ونحطها في البيض
وبعدين في البقسماط
واذا مافي بقسماط ممكن اطراف عيش التوست تخلونها في الفرن الين تنشف وتطحنونها وانا هنا ماعندي جبنة بارميزان حطيت موزريلا بس مشي الحال ^_^
بعدين نخليها شووي ونقليها
الشكل النهائي طبعآ قدمتها مع الرز لانه غداء اذا عشا ممكن مع بطاطس وكتشب وويم يم يم
انتظروا باقي الوصفات ^_^
المقادير :
عدس
جزر
بطاطس
كوسة
ليمون
نسلق الخضار مع العدس الين يستووون
نطلعهم ونحطهم في الخلالالاط الين تنعم كل الخضار وينطحن العدس
نرجعها مرة ثانية ع النار ونضيفلها البهارات مع الملح والليمون
مرة سهلة صح ؟؟
الشكل النهائي :
سلطة الخيار مع الكرم
المقادير
خيار
كرم
جزر
ذرة
الصوص :
مايونيز مع زبادي مع ليمون
تقطع الخيار مع الكرم مع الجزر بالطوول ويضاف لها الصوص وترش بالذرة
انا الصراحة استبدلتها بااصابع ذرة
سلطة الجرجير والبطاطس
المقادير :
بطاطس مقطعة معكبات ومقلية
جرجير
خس
خبر مقطع مكعبات ومقلي
الصوص
زبادي ومايونيز وطيحينة وليمون
تخلط كل المقادير مع بعض
بعدين يتخلط الصوص مع بعض وينحط فوقها
بعدين تتقدم بعد مانحط فوقها الخبر
^
^
^
الصراحة طعمها جناااااان لاتفوتكم تذكرني بالزواجات ^_^
ااتمنى اطباقي تكون عجبتكم
ـقبلوا تحيات اختكم الشيخة
والله يوعتيني