هلا خواتي
فكـرت احط الموضوع فقسم الاستفسارات بس دشيت وقريت أنه
للاستفسارات التجارية
واستفساري مب تجــــاري
المهم خواتي
الحمد الله رب العالمين تقريبا خلصت زهابي ولله الحمد
وبديت خلاص اسكر الشنط واستعد للرحيل
المهم مابطول عليكن
محتـــاره فالشنطه لي باخذها معاي أول يوم للفندق
شو الأشياء الاساسيه لي احطها فيها
انا مابديت ارتبها قاعده اكتب اول شي شو ابا أحط فيها عشان ما انسى شي
ابـا نصايح وتجارب
أن في وايد اشياء انحس انها مب مهمة وعقب تطلع أساسيه
لاتحرمني من خبراتكن ومشكورات
والسؤال الثاني
شو الهديه لي اتحسينها مناسبه للزوج فأول يوم من زواجنا
وادعولي
بالستر والتوفيق فزواجي
وانا ودي اعرف بعد شو اخذ ويايه احس مخي مفتر
ان شاء الله المعرسات بيفيدوووونا
وانا مثلج احس خلاص مابقا فيني حيل افكر
عشان جذي اتريا إفادة البنات
اولا مبروك مقدما ..شوفي اذا الفندق راقي يعني خمس نجوم …لاتا خذين صابون وشامبو الا اذا ودك تستعملين شي خاص
جيبي قوارير بلاستك من النوع اللي تحفظ الاشياء ماتنكب وحطي بكل وحدة شامبو وبلسم وكريم الجسم ( يعني الاشياء اللي تستعملينها خذي منها كميات صغيرة ..والمناشف ممكن تاخذين وحدة ..ولا تنسين السشوار لان سشوارات الفنادق مو عمليه ومكياجك ( علب صغيرة ظل وبودرة وروج ) عطرك ..توك شعر ..ملابس خروج مثلا تنورة وبلوزة وملابس داخلية..وطبعا اكيد قميص النوم ..علبة علك ..قطعة شوكولا وعلبة بسكويت….هذي اهم الاشياء لاول يوم للفندق
بيتنا ليلتنا في الفندق…خذت شنطة صغيره معاي… فيها لبس الصباحيه + عطر+ علبة المكياج+ سشوار+دهن عود+كريم هيمالايا+عدسات ملونه+ملابس داخليه+طقم ذهب للصباحيه+قميص نوم ليلة الدخله+ مزيل مكياج+ قطن مزيل المكياج+قباضة شعر+ طقمـ عبا هممـ اعتقد هالاشيا بس
اهمـ شي خذي دهن عود وكريم الهيمالايا… عسب تحطينهم في مختلف مناطق جسمج .. بتفووح منج رييحه غاويه
هاللي اتذكره ^_^
وبالنسبه لهديه الزواج… ما اهديته شي حزتها لاني قتله " واحلى هديه زواج هي أنا " وحده مصدقه عمرها ههه
بالبركه ياارب ويوفجكمـ ^_^
خذيلج اللي قالته.. مادري لو بتون في الفندق واكيد بتسيرين بيت اهله عقب..
اول شي عده السبوح ( من شامبو وصابون وفوطه وكريمات الجسم مابعد السبوح ومثل ماقالت الاخت حطيهن في غراش لاتاخذين العلبه كامله)..
عده الزينه ( مكياج..عطور..سشوار..كريم ازاله المكيااج <==ضروري)
واللي تحتايينه من ملابس داخليه خذيلج 3 اطقم (ماتعرفين كم مره بتتسبحين 
)..
خذيلج لبس الصباحيه اللي بتلبسينه لريلج وعدته من اكسسوارات شعر..
ثاني شي لبس الزياره لاهله..من الفستان والعباه والشيله والذهب …
هذا اللي اذكره…وان شاء الله يفيدونج البنات..
انتي ايلسي وجهزي كل شي ع صوب..
شوفي كيف ترتيباتكم من تسيرون الفندق لين تظهرون..قولي اول ماتوصلين الفندق بسوي كذا وبلبس كذا ويوم برقد بلبس كذا والصباحيه بلبس كذا وحق اهله بلبس كذا ورتبي كل شي …
والله يسهل امورج الغاليه
اهم شي رتبي شنطتج زين..عشان اذا فتحتيها جدام بو الشباب يشوفج مرتبه ومعدله كل شي
والله يوفقج يارب ..