سر الوصفة الخطير توصلت له من بعد ما لفيت من موضوع لموضوع ومن خالتي لعمتي
وعملت االي انا احسه حلو
يعني خلطتي انا كونتها بعد ماعرفت الناس ايش يحطون بالضبط وحطيت اللي انا احبه
وماشاء الله طلعت رووووووووعة
ومابي من اي بنت تسوي الطريقة الا تدعي لي بالهداية والذرية الصالحة وان الله يشفيني
نجي للمقادير
علبتي ورق عنب من العلالي النوع الفاخر اللي باللون الازرق لان اوراقهم كبيرة
كوبين رز بسمتي
كوب عصير ليمون الجاهز
كوب زيت زيتون
ملعقة كبيرة قرفة
م ك فلفل ابيض
م ك فلفل احمر للي يحبون الحار يزيدون
م ك بهارات مشكلة
م ك سماق
2م ك دبس الرمان
نجي للسر وهو انه نغسل الرز وانقعه بالماء تقريبا ساعة..بعدين نصفيه ونحط كل المقادير فيه ونخليه 4 ساعات يعني يتنقع بالهخلطة ويتشرب منها
بعدين نضيف للخلطة
2 الى 3 بصلات
2 الى 3 طماطم
4 قبضات يد بقدونس او 5
ونخليه بعد 1 ساعة
[IMG]
[/IMG]
بعدين نلفه الحشو بورق العنب
ونجهز جدر الورق عنب اول حاجة تحطين بالقاع زيت وتصفين طبقتين اول طبقة بطاطا وبعدها طبقة طماطم شرايح
تاخذين 6 فصوص ثوم وتضربينه لحد مايصير ناعم مع النعناع …اخذي كمية من النعناع وضربيه مع الثوم بحيث يكون اللون البيج للثوم متساوي مع لون النعناع هني تعرفين تضبطين الكمية
وبعدها تاخذين كوب ماء حااار وتحطين فيه 2 ماجي تذوبينه وعلبة طماط صلصة +كوب زيت زيتون +كوب عصير الليمون +ملعقتين دبس رمان
وكل ما خلصتي طبقة تحطين عليها شوي من الماء الحار بالماجي والطماط+ شوية الثوم المدقوق+ كوب ز الزيتون+ الليمون+الدبس + الخلطة المتبيقة من الحشو ماء الحشو يعني
وكلنا نعرف بعد ما نخلص صف الورق عنب وكل الخلطات حطيناها نصف شوية شرايح بطاطا فوق الورق عنب (علشان اللي يحب البطاطا) وبعدين نحط الصحن ونخليه لمدة ساعة او ساعة ونص
اذا احترتي وماعرفتي كيف يستوي اخذي حبة من الورق عنب وافتحي الخلطة وذوقيها لو شفتي الرز يابس يعني ما استوى للحين
ويارب تاكلونه بالهناء والشغفاء والدعوة لي حبيباتي
والله يوفقـجـ
وبجربهـا وان ماطلعت حلوه ياويلج خخخ
المشاركة الأصلية كتبت بواسطة غزاله ن 
والله يوفقـجـ
وبجربهـا وان ماطلعت حلوه ياويلج خخخ
خخخخ يمامي هذه فيها تهديد
لالالا سويها وتوكلي والله بتطلع روعة
واي استفسار انا حاضرة
يوعااااانه ما تغديت
خاطر بورق عنب
تسلم الايدي