سرطان الثدي

اخواتي امس رحت اسوي فحص لصدري كان عندي كسره ما اختفت من ثلاث شهور ان على بالي حليب متجمع لان بنتي ما ترضع مني انصدمت امس اتقول لي الدكتورة اللي اتسوي لي التصوير هذا مب الياف ولا حليب متجمع صدمتني قالت يمكن ورم انصدمت من امس وانا ابكي افكر في بنتي ما اريد تتيتم وهي صغيره نفسيتي تعبت والله الحين انتظر يتصلون عسب يسون لي ماماراي عسب يتأكدون اذا ورم لأني كذا مره اروح المستشفي يقولون لي هاي حليب عادي قولون كيف أتصرف اذا كان الكلام انا حتى أهلي ما خبريتهم يسألوني شوفي اقولهم ما فيني شي يسألون شو قالوا لي المستشفي اقول لهم الياف وأصيح تعبت والله مصدومه ما نمت من كثر ما افكر في بنتي ما أبيها تتيتم مثلي ابي حد يخبرني اذا في حال صارت مثلي وكيف العلاج فيها شفاء

دعواتكم لي اخواتي الله يحفظكم من كل شر

يا أختي يا حبيبتي ،، توكلي على الله ،، إن شاء الله ما فيه شيء ،، لا تخافين يمكن ورم حميد أو شيء ثاني ،،، وللتأكد سيري سوي فحص عند إستشاري متخصص وإن شاء الله ما فيه شيء وارجو إنج تطمنينا عليج،،

في حفظ الرحمن والله يحميج من كل شر،،

حبيبتي الله يعااافيج ان شاء الله ويسرلج امرج وان شاء الله ما يكوون وورم بااذن الله حبيتبي لا تخاافين وكلي امرج لله

لا حبيبتي لا تخافين انا ربيعتي كانت جي و طلع ورم حميد الحمدلله

ان شاءالله اخواتي يطلع ورم حميد انتظر يتصلون فيه عسب اسوي الإشعه مره ثانيه لان دكتورتيً قالت لي هالشي ما يطمون دعواتكم ويخليلي لبنتي

الله يعافيكي عزيزتي .. لا تقلقي كل شي مكتوب ومقدر
إن شاء الله تكون النتيجة سليمة

أكثري من الاستغفار بنية الإطمئنان والمعافاة من الأمراض

اختي لا تخافين انشاء الله ما تشوفين شر والله يعافيج
وتمي تدعين وتوكلي على الله وطمنينا بعدين