WeLcOoMe
السلام عليكم يالغاليااااات
يبتلكم اليوم وصفه من أرشيفي القديم بس اتقبلوها مني :1 (30):
سهله وأكيد اليهال بيحبونها لأنه أغلبية اليهال يحبون الهوت دوج :1 (69):
واللي هي
طريقــة عمـل السباجتـي بالـهـوت دوج
طبعاً بداية حبيت أقول انه هالكميه الي سويتها تكفي من 5 إلى 7 اشخاص
والي حابه تسويها لعدد اشخاص أقل.. تاخذ نص الكميه :22 (4):
فـ إلى العمـل :1 (4):
أولاً .. المقاديــر :1 (8): :-
بصل أحمر ((نقطعه مكعبات صغيره))
طماط ((نقطعه مكعبات صغيره))
علبتين هوت دوج ((زوان)) على حسب الرغبه لحم والا دياي..قطع صغيره
+غرشتين صلصة المعكرونه ((حدائق امريكا))
+ثلاث مكعبات ماجي((ملح أقل))
خمس فصوص ثوم((مفروم ناعم)) "حسب الرغبه :1 (30): " بس ترى ماينطعم وايد يعني اطمنوا :1 (20):
نص كوب زيت زيتون
كيسين من السباجتي مسلوقه في ماي مملح
نص ملعقة كبيره بزار
+ نص ملعقه صغيره فلفل أسود
+ربع ملعقة صغيره ملح
مب لازم صوره لهالمكونات :1 (31): الكل يعرفها :1 (2):
نقسم حبة النقانق الصغيره قسمين. وتكون بهالشكل..
يتبـــع ،،
الطريقـــة :1 (8): :-
نحمر البصل في زيت الزيتون اللين يذبل أو يتغير لونه للذهبي..
بعدين نضيف الثوم ونحرك دقيقتين ..
وبعدين نحط النقانق ونحركه مثل هالصوره لمدة خمس دقايق
ونضيف الطماط مع المكونات بهالطريقه
اللين مايذبل الطماط ..
والحينه يا دور البهارات .. بهالصوره
ومثل ما قلتلكم فوق عن كمية البهارات المستخدمه :1 (8):
ونضيف غرشتين الصلصه فالخلطة السابقة ونخلطها ونخليها دقيقتين على نار متوسطه ..
وبعدها انضيف ثلاث مكعبات ماجي((ملح أقل)) بهالطريقة
ونخلط المكعبات مع باقي المكونات ..
ونخليها على نار هادية ونغطيها لمدة دقيقتين ..
طبعاً لاحظتوا كيف صارت الخلطة بعد ما اضفنا عليها الصلصة :22 (21):
بعدها نضيف السباجتي على الصلصه بهالطريقة ونخلطها جيداً ..
وأخيراً .. الكل متلهف يشوف شو طلعت النتيجة صح :1 (19):
شو تتوقعون النتيجة :1 (27):
انزلوا بروحكم وبتشوفون
وانتوا احكموا بعد التجربه طبعاً
شوفـــوا
/
/
/
والتزيين عليج طبعاً :1 (34):
وهذي صورة ثانيه :1 (32):
وبالهنـا والشفا :22 (21):
حقوق السرقــه و الكوبي محفوظه لدى
شيخة الحريم :1 (31):
ربي يوفقج
اختج
شيخة الحريم
ماشالله شكله يشهي وايد .. ولا تحرمينا من يديدج ^_^
وعلى فكره انا بعد مسويه رجيم 
بس احب التعذيب خخخخخخخ :1 (21):
اختج
شيخة الحريم :22 (13):