بكتب الكم قصتي يوم كنت….
انا يوم كنت حامل في بنتي رحت يعيادة خاصه سويت تحليل طلع انى حامل فى شهر…
يوم كملت اربع شهور رحت عند اوراس قالت لى حامل في بنت وكل شيء طبيعي الحمد لله.. بعدين رحت مستشفي دبي فتحت لى ملف فى الشهر السادس سوت لى الدكتوره اشعه يوم كانت اتسوي لى اشعه رن التيلفون وردت عليه وقالت لى كل شيء زين هيه اصلا مافحصت على شيء بس سمعت دقات قلب البيبي… المهم فى الشهر الثامن رحت سوو لى اشعه طلع انه البيي عنده مشكله فى الامعاء يت دكتوره ثانيه قالت احتمال انه البيبي عنده امساك ماحطيت فى بالي… رحت عيادة خاصه نساء قالت لى الياهل عندة تشوهاااات كثيره الكبد والامعاء واشياء كثيره انا ماتحملت الياهل يتحرك بما معناه الياهل اوكى…. المهم يوم كملت الشهر التاسع كانت الولادة طبيعيه بس طلع فيها مشكله فى الامعاء على طول اتحولت مستشفي الوصل وسوو الها عمليه اتستغرقت 7 ساعات والحمد لله العمليه نجحت… بس شو سو مب فاهمين…المهم قعدت فى مستشفي الوصل تقريبا شهرين ونص بعدين نقلوها مستشفي دبي تقريباُ اربع شهور سوو الها عمليه وطلعت البيت تقريبا 4 ايام وتعبت وديتها مستشفي الوصل عشان هم اللى سووو الها العمليه رحنا الطواري قالو النا ليش مانقلتوها مستشفي دبي قلت الهم انتم المختصين المهم اتصلو مستشفي دبي وقالو ماعدنا غرفه فاضيه رد يقول الدكتور حتى احنا ماعدنا غرفه فاضيه المهم اتصلت في ربيعتى نفس الحظه كانت بنتها منومه فى مستشفي دبي قالت لى ارقام الغرف الفاضيه قلت مب مشكله المهم الدكتور نقل بنتي القسم فى مستشفي الوصل نص الغرف فاضيه قلت الهم من شوى تقولون مافي غرفه وين ظهرت الغرف الحين… المهم طلبو ملف بنتي الملف ماوصل فتحو الها ملف جديد والملف القديم في كل شي عن العمليه الاولى بالتفصيل مع الصور العمليه صور الامعاء كيف كانت داخل وكم طول الجزء المتبقي … المهم البنت تعبت وااايد فى المستشفي سوو الها عمليه ودخلت العنايه المركزه ونجحت العمليه والحمد لله … بعدين نقلوها مستشفي دبي المهم بعد فتره طويله من الادويه والمناظير قالو النا لازم اتسفرونها يوم كملت سنه و7 شهور المهم طلبنا تقرير عن حالت البنت قالو الملف ضايع كيف ضايع الملف شو كبره كان ويد كبير المهم قلنا الهم طلعو الملف مافي فايدة نبي تقرير الملف ضايع من مستشفي الوصل المهم اشتكينا فى الهيئه مافي فايدة اشتكينا فى بث المباشر مافي فايدة الملف ماظهر المهم قلت للدكتور كيف في شيء غلط فى الملف او انكم مسوين في البنت شيء غلط قال لا اعوذ بالله قلت عيل وين ملف البنت مافي فايدة المهم سفرنا البنت امريكا تقرير مستشفي دبي كان اوكي تقرير مستشفي الوصل ناقص فطلبو منا الدكاتره اللى فى امريكا تفصيل عن العمليه الاولى قالو مانقدر نفتح بطن البنت بس عشان انشيك شو اللى سو فيها المهم المستشفي اللى فى امريكا طلب من السفاره تقرير من مستشفي الوصل اليوم الثانى وصل التقرير قال الدكتور مب معروف بس بنسوي الها منظار …. قالو لازم زراعه …. وعمليه الزراعه ماتنجح وااايد المهم رجعنا الامارات بس كنا نبي نعرف شو سالفه الملف ليش اختفى مره وحده اصلا يوم سوت العمليه الاولى الدكتور قال احنا خلينا جزء من القولون موجود يمكن يمكن يشتغل يمكن بس هو وجوده من عدمه…
المهم الحمد لله على كل حال بنتى توفت من 15 يوم الحمد لله انه الله اختارها ولا تيلس تتعذب مع الدكاتره…
بنتى كملت سنتين و 6 شهور بس شو ماشاء الله عليها كانت ذكيه وتتكلم وتمشي اللى يشوفها يقول انها مافيها شيء انا بنتي ماكانت تاكل من يوم مايبتها عشان ماعندها القولون كانت عايشه على المغذى والمغذى والادويه وااااااااااايد اثرت على الكبد وصار الها نزيف فى الكبد والحمد لله على كل حال والحينه هي طير من طيور الجنه…
مابقول حسبي الله بقول الحمد لله على كل حال …
المشكله اهنى مايقولون بالضبط عشان تكونين عارفه اهنيه بس طر بطن وخلاص شو السالفه ماتعرفين
اسفه على الاخطاء الاملائيه…
واااااااااايد اخطاء اتصير الله يعين
الله لا يحرم اي ام من ضناها يارب… مأجورة حبيبتي …
بس اشتقت لكلامها وحركتها ودلعها يوم اكون فى الدوام تقول للخدامه اتصلي في ماما اكلمها قبل ماتسكر تعطيني بوسه … الحمد لله…
االله يرحمها و يغفر لها و يجعلها طير من طيور الجنه