سالفتي سالفة مع جامعة عجمان …. تعليم الامارات

مرحبا خواتي ..

ما أدري إذا حد مر في نفس مشكلتي ..

أنا كنت أدرس في جامعة عجمان فرع بوظبي وأستوتلي ظروف غصبن عني وطلعت من الجامعه بس سويت وقف ..

وألحين أريد أكمل دراستي ويوم رحت جامعة عجمان الفرع الرئيسي قالو والله أنتي عندج مديونية بقيمة 5 آلاف درهم على مساقات وأنا ما خذتهن ولا سجلتهن في نفس الكورس ألي طلعت فيه من الجامعه يعني أنا طلعت بعد الصيفي وهالمساقات مسجله لي حق الكورس ألي بعده وأنا ما سجلت ولا مساق والمعروف فالجامعه سجل وأدفع .. بس كيف سجلولي هالمساقات ما أدري ويوم كلمت القبول والتسجيل قالو لي دفعي مديونيتج وخذي أوراقج ..

وأنا في بوظبي وما أقدر أدق درب لعجمان فطرشت ألهم فاكس وخبرتهم السالفه كلها وأتصلت ولا حد يرد علي ..

وأريد آخذ أوراقي قبل ما ينتهي الدوام ..

فما أعرف شو أسوي ..؟؟؟

والله متوهقه وحايره ..

ألي تعرف تخبرني شو أوسي ..

مالي غيركن والله ..

الغاليه جوفي اي حد من عيمان اييبلج الاوراق لو حد من بنات المنتدى في بنات ولله مايقصرن

مشكوره أختي …

أنا مش قصدي منو اييب لي الأوراق أنا عندي وايد ربيعات من دبي والشارجه وعجمان بس سالفتي مع الجامعه ما طاعو يعطوني أوراقي لين ما أدفع الفلوس وأنا ما سجلت عشان أدفع ..؟؟؟

وطرشت ألهم فاكس وأتصلت ولا حد رد عليه ما أعرف شو أسوي ؟؟؟؟؟؟؟؟؟؟؟؟؟؟؟؟

الغالية رمسي سكرتيرة ثامر مدير الجامعة اسمهانانسي
هي بتخبرج بالي حصل وبتساعدج وبتفيدج وايد
وايد بنات حصلت لهن ظروف و هي ساعدتهن.

وان شاءالله اكون فدتج.

…………………….

مشكورات خواتي ..

أنا كلمت المدير المالي الاستاذ مهند ..

بس لحد الآن ام صار شي وأخاف تسكر الجامعه وانا ما أستلمت أوراقي ؟؟؟؟؟؟؟؟؟؟؟؟

الجامعه بتكون مفتوحه الين اول 8 لانه بيكون فيها صيفي

و انا انصح البناااااااااات يوم بيدفعون المبلغ الي عليهم ايودون الإيصااااااااااال
لانه وايد ابهدلوووووون الواحد