خواتي بغيت استفسر من الخوات المعرسات وساكنات شقق بالايجار كيف تاثثون شققكم وتسوون ديكوراتها؟
انا ان شاء الله جريب بنتقل شقه ومب عارفه على اي اساس اثثها هل اشتري اي شي يؤدي الغرض وبس ولا اخذ راحتي واسوي فيها الاشيا لي في خاطري وتعيبني او اصرف ع الاثاث ونقلل الديكورات
طيب اذا ييت يوم بنتقل من الشقه هاي بسير شقه ثانيه هل يكون سهل نقل الاثاث والاستفاده منه في شقه ثانيه؟
السؤال بشكل اوضح هل اثثتوا شققكم باثاث يمشي الحال ولا سويتوا اللي في خاطركم ولا نص نص؟
فما سوينا فيها ديكورات … بس اكتفينا بالصبغ … صبغناها على الالوان الي نباها …
وعاد انا كنت اعرف اني عروس وشي ناس وايد بيزورني … فاشتغلت في الاكسسوارات واللوح والكماليات
عشان تغطي على نقص الديكورات والحمدلله شقتي طلعت وايد حلوة ومرتبه 
…
فأنا اشوف الغاليه الافضل انج تصرفين على الاثاث … مب على الديكورات
مثلا انا شريت حجره نوم فخمه وكبيره … و طقم كنب فخم وكبير … وسويت ستاير من الاشكال الراقيه …
وكل هذا بشله الحينه بيتي اليديد …. لأني طول هالفتره ساكنه بروحي انا وريلي وماعندنا يهال
فكل شي كأنه يديد الحمدلله .. ونقل الاثاث سهل … بييون شركه اثاث وينقلون لنا كل شي
ومن تجربة جيرانا هم مستاجرين بعد … اول ما سكنو على اساس بيتمون فتره طويله فالشقه
فقامو سوولها ديكورات جبس وتنزيل واضاءات … وخسرو وايد عليها .. بعدين الحرمه حملت وربت
يابت ولد مريض الله يشافيه يااااااارب … وكانو طول الشهور برا البلاد يعالجون الولد والشقه فاضيه
وبالاخير طلعو منها … وردو بيت اهلهم … حليلهم بعد هالمخاسير ماكانو يعرفون شو بييهم فما طولو
بالشقه يمكن سنه ونص بس …
فأحسن لا تخسرين على شي مابيكون لج عقب … الاثاث بترومين تشلينه لكن الديكور لا …
وهذا رايي
المشاركة الأصلية كتبت بواسطة الغوا والزين 
يعني خلال 4 سنين مابيروم يطلعكم المالك لو شووو ماسوااا
لا تخسرين على شي مب لج …يعني لا تخسرين على الديكور
لانه مصيرج تطلعين من الشقه ,…اذا تبين خسري على الاثاث لانج بتاخذينه ويااااج
يعني غرفه النوم الكنب والستاير …لو خسرتي فيهم مب مشكله لانج ..بتاخذينهم