اشحالكم؟؟؟
انا نزلت هالموضوع عشان انصح كل وحدة منكن تفكر تي بانكوك انها اتكنسل السفرة وتيلس في البلاد
اتخيلو من ثاني يوم وصلنا فيه بانكوك ونحن ما ترقعنا,, سايرين يايين على المستشفيات… حد ينش وحد ايطيح..
هلكنا,,
تعبنا
اتكسرنا
البلاد وصخة
ريحة اكلهم اتلوع الجبد (استغفر الله)
ريحة البواليع والوصاخة داحبة الشوارع
والله لو ايلس ارمس من اليوم الين باجر ما بتصدقون كيف انا اعاني من هالبلاد المقرفة وودي ارد البلاد الحينه,,,
اتخيلو 10 ايام ونحن طايحين في المستشفيات,,,
واليوم يانا الخبر,,,
نحن 14 نفر… خمسة منا مصابين بانفلوزنزا الخنازير(الله ايعافي الجميع)
والله لو اتشوفون حالهم
يكسر الخاطر..
دموعي ما وقفت
مصيبة حلت بنا,,
ادعولنا الله ايعافينا ويردنا بلادنا عاجلا غير اجل
نحن محتاجين دعواتكم
اتمنى ايكون مضوعي عبرة لكل وحد اتسول لها نفسها انها اتسافر تايلند
واقولها ايلسي في بلادج اخير لج بلا امراض بلا خنازير
وداعة الله
والله انا وحده انبح صورتي وانا اقول لاتسافرون …
الكل يسافر ويقول بنتوكل عالله ..
صح بتتوكلون على الله بس الواحد ياخذ بالاسباب ..
اسأل الله العظيم ان يشفي مرضاكم ومرضى المسلمين يااااااااااارب
الله يشفيكم ويشفي جميع مرضى المسلمين
لا حول ولا قوة الا بالله
الله يشفيكم ويشفي جميع مرضى المسلمين
تردون البلاد بالسلامة ان شاء الله اختي يمكن انتوا ساكنين في شارع العرب هالشارع وصخ من الخاطر