سافرت للمرة الثانية علشان اتعالج ..الله يصبرني ..ااااخ لسلامتك

الســـــــــلام علـــيكــم …

راااح احط تجربتي الجديمة علشان اللي مو فاهمة تفهم ..خخخخخ

هذا الرابط
https://forum.uaewomen.net/showthread.php?t=876963

المهم ..الحين رجعت اسافر الهند للمرة الثانيه .. وبدون ريلي ..للاسف ..والله مضايقه من الخاطر الله يصبرني

رحت عند الدكتورة .. ثاني يوم الدورة وعطتني ابرتين ..وعطتني حبوب اكلها من ثاني يوم الدورة لمدة 5 ايام ..ونوع واحد من الحبوب لمدة عشر ايام ..

وقالتلي تعالي 5 يوم الدورة ..عشان تسويلي سونار …والحييين انا انتظر موعد السونار انشالله تكون المبايض زيينة وحجمها اوكي
..

علشان الدكتورة ..تسويلي تلقيح صناعي للمرة الثانيه وانشالله يارب يارب ..تنجح العملية باذن الله يارب

وطبعا زوجي راح ايي بس على اخر ايام قبل التلقيح الصناعي …

اللهم يا حي يا قيوم
يا ذا الجلال والإكرام
أسألك
باسمك الأعظم الطيب المبارك الأحب إليك الذي
اذا دعيت به أجبت
وإذا استرحمت به رحمت
وإذا استفرجت به فرجت
ان ترزقني بالذرية الصالحه يارب وترزق كل محرومة امين يارب ..

دعــواتــكـم..

اختي الله يعطيج ويفرحج لكن التلقيح الصناعي نسبة نجاحه ضعيفه .. ولا قصدج حقن مجهري؟؟ ان شاء الله اتبشرينا لكن ان ما كتب ربج سوي حقن مجهري او اطفال انابيب وربج كريم مابينساج.. كثري من الاستغفار .. والسموحه ..

الله يرزقج يارب العالمين بالذرية الصالحة عاجلا غير اجل

اختي عليج بالاستغفار وسورة البقرة والصدقة وان شاء الله خير يارب

الله يعوض على وعليج فديتج بالحمل السليم المعافى وان شاء الله تبشرينا بخبر حملج قريب

مشكورة عالرد حبيبتي ..انا بسوي التلقيح الصناعي ..وانشالله خير يارب
والحقن المجهري ماوسيت بحث عنه ..انشالله خير

اميييين يارب مشكورة فديتج والله يرزقنا انشالله ويرزق كل محرومة

حبيبتي سمحيلي يمكن ردي كان دفاشه بس انا مب قصدي احبطج
لا والله انا بس حبيت اوضحلج لني قبلج سويت وماشي فايدة >>>> بعد ما توبين من الدفاشة
المهم ربي يرزقج يارب واتبشرينا جريب..والسموحه لا تزعلين