مثل ما قريتوا في عنوان موضوعي
انا في الشهر الرابع و وزني زااااد فوق الطبيعي لدرجة أنه الكل لاحظ علي إني انتفخت … انا طولي 162 تقريباً و وزني صار فوق ال 90 
خبرووني شو الحل ؟؟ مع العلم إني قليلة الحركة بسبب إني غيرت الدوام قبل كان دوامي فيه حركة والحين يالسة ع المكتب و شي ثاني اني ما اتحرك في البيت وايد لأنه حر وما اروم أطلع برع أتمشى من الحر ؟؟؟
شو الحل؟؟ هل في رايكم أمشي على جهاز الرياضة؟؟ ولا آكل بس مشويات وسلطات؟؟ بس أنا أخاف أنه يأثر علي وانا حامل و أضر جنيني
ساعدوني دخيلكم بالنصايح ويجزيكم خير
ينخاف عليكي من ضغط وسكري ..
رياضة خفيفة مثل المشي لازم ولو في انحاء البيت لمدة لا تقل على نصف ساعه ..
الاكل نظميه ولا تاكلي حلويات ونشويات .. اختاري حميه خاصة بالحمل ..
اسمعي نصيحتي لكن انا طولي 176 وفي الشهر التاسع صرت 94 كج
انتي لسه في البداية
انتبهييييييييييييييي
ان شاءالله أتبع نصيحتج اختي رمروم مشكورة ويزاج الله خير
مع العلم إني وايد أيوع فترة الصبح والظهر
– افطري بيضة مع شريحه واحدة من الخبز الابيض يعني توست محمص.. مع كاس حليب قليل السكر
– تفاحة
– 5 ملاعق رز مع دجاج او سمك مشوي
– عصير برتقال
– شوربة شوفان مع مرقة الدجاج او خضار
– شريحه خبز توست اسمر مع جبنة + سلطة
– لبن زبادي او لبن اب شرب مثل ما تبين
– لاتنسي تشربين ماي لكن قبل الاكل بنصف ساعه او بعد الاكل بساعه
– لا تاكلي وترقدي
– اخر وجبة قبل النوم بساعة ونصف على الاقل
الله يقومك بالسلامة واتمنى تلتزمين بالحمية عشان صحتك
اعرف وحده كان وزنها قبل ما تحمل 46 تقريبا
ويوم احملت استواا وزنها فالـ 90 ..
بس ما انصحج بالحمية لانج محتاجه تغذيه في هالفتره
وحاولي انج ماترقدين عقب الاكل على طول
دلوعة السطوة صدقج والله … انا من النوع اللي بسرعة أمتن و طبيعة جسمي قابلة للمتن بسرعة عاد خاصة عقب الزواج والحمال بس صراحة ما أداني جسمي جيه مستوية برميل و ريلي لاحظ علي وقالي متنتي ! بس يوم أقوله انا اسوي ريجيم أحسه يعصب ويقولي يالله خل عنج هالسوالف انتي حامل ومب زين ….