معكرونه بطريقه يديده اسمها Pink Pasta
خذيته من عضوه كويتيه ببلوق عيبتني وهذي طريقتها
إقتباس:
هالباستا خواتي وايد يحبونها .. ودايما يطلبونها من شوكليت بار… مادري منو بالضبط عطاني هالوصفه وطلعت نفس اللي بشوكليت بار.. خدامتنا الذكيه قلبت الصحن فصارت الجبنه من تحت ولا هي المفروض تكون بالويه
لا تحاولون تغيرون نوع الصلصه بالايطاليه العاديه لان الطعم بيفرق…
المقادير:
علبه صلصه المعكرونه بالزيتون ماركه العلالي
علبه كريما سائله (( الحمره سابقا ))
ملح
رشتين تباسكو
باستا بالشكل اللي تحبونه
و جبن موتزريلا مبشور
الطريقه:
تسلق الباستا بس مو كامل خلو فيها مقاومه شوي ومثل ما يسمونها ا " آل دنتي ""
نخلط باجي المكونات على النار ونعدل الملح وبعدين نضيف الباستا ونخليها تتشرب من الصلصه ونرش جزء من الجبن ونخلطها بعد ما نسكر النار
نصفها بالصحن ونرش باجي الجبن على الويه وتقدم في الحال
لا تنشف لانها بتصير مو حلوه
وبالعافيه
الرسالة الأصلية كتبت بواسطة Maria_Louisa
انا وايد احب المعكرونة و كل ما اسير مطعم لازم اجرب معكرونتهم و عقب اقارن خخخخ .. و بعد احب اجرب انواع صلصات مختلفة …
