ساعدوني نفسيتي داون بعد الولاده تأخر الحمل

مرحبا خواتي انا حييل مضايجه وعندي اكتئاب من جسمي مربيه من اربع شهور وجسمي صاير غلط في غلط كله ترهلات واسوداد وسيليوليت وبطني طايح وكله خطوط وفخوذي وزنودي شكلهم غير كل شي سويت عشان يرد جسمي مثل قبل وماشي فايده يعني اشرب شاي اخضر وما اكل حلويات ونشويات ودهون واستخدم كبسوله زين لوشاقه ومافي فايده واللي بيقولي الرضاعه اضعف للاسف بنتي اتعودت على الصناعي وموول ما قامت تبا صدري والحين يوم جف الحليب صدري طاح يعني حتى صدري اترهل وين جسمي الحين ووين قبل الحمل وزجي يموت على الجسم الابيض المتناسق والمشدود يحليله احسه مصدوم من اللي يشوفه الحين بس يحاول يخفف علي بس انا اعرف اللي بداخله حتى لو ما قال ما عليه تعجبيني كيف ما كنتي اعرف موول مو عاجبه جسمي اخاف يطالع بره وانت تعرفون كيف يطلعون البنات الحين فكرت اسوي شفط وشد لجسمي كله بس اختي تقول شو الفايده تري بتردين تحملين وكل اللي بسويه بيخترباوبعد مافي حرمه اتسوي ها العمليات هني كله رياييل ابا اشترك في نادي رياضي او امشي بس المشكله ما عندي اي احد اخلي البيبي عنده لاني بعيده مع ريلي ساعدوني دخيلكم كيف يرد جسمي مثل قبل عندي اكتئاب والله حالتي زفت صرت اهمل نفسي زياده كل شي مب حلو علي ها غير شعري والخابتين جفاف وتقصف وخفيف يعني شكلي مثل الخدامه الله يسعدكم دنيا واخره قوللي سو اسوي

حبيبتي هدي نفسج كل شي خطوه بخطوه
بالنسبه لجسمج حافظي عالحمامات المغربيه
وبالنسبه للرياضه ترومين حتى تسوينها بالبيت نزلي تمارين شد من اليوتيوب وسويها ساعه باليوم لمده شهر
يعني بعد ساعدي نفسج مو تحطمينها
وبالنسبه للاكتئاب اذكري الله دايما (الا بذكر الله تطمئن القلوب)
وبرجعلج بعد شوي ….

الله يعيينج

من كتاب اسرار الحريم
للتشققات
تحطين 4 ملاعق كبيره عسل اصلي مع ملعقه صغيره خل التفاح و2 م ك شب ابيض وتحطينهم ع جسمج وتقدرين بعد تضيفين ماي ورد

التدليك يوميا بزيت جنين القمح يترك لمده ساعه ثم يغسل مرتين باليوم ص وم

واستخدام كريمات تحتوي ع زبده الكاكاو متوفر فالصيدليات

وطبعا تمرينات رياضيه

Uuuuuuuuuup

هلا الغالية أنا من بعد ما شفت المشكلة منتشرة في القسم قلت انزل موضوع خاص بداال ما ارد علي وحده وحده كل يوم وهذا موضوعي وجربي أنا أأكد لج اذا انتظمتي بجوفين النتيجة النظام هو الحل الاول وهذا رابط موضوعي :-

https://forum.uaewomen.net/showthread.php?t=864022