اذا هذا بعطيج الطريقة
لكن من غير تخمير
المقاديـــــــر :
بيضتان
2 م ك سكر
2 م ك باكن بودر
3 م ك زيت
ماء ورد + زعفران + هيل مطحون
كوب طحين
نص كوب حليب طازج
نص كوب ماء
ذره ملح
الطريقـــــــه :
اول شي نخفق البيضتان
بعدين نضيف السكر و الزيت
بعدين ماء الورد المنقوع فيه الزعفران و الهيل
ذره الملح
كوب الطحين و ملعقتين من الباكن بودر
نص كوب من الماء و نص كوب من الحليب الطازج
و نخفق و نخفق و نخفق العجين …. و كل ما خفقنا اكثر زاده عدد الفتحات و الفقاقيع في
الخبز بعدين …. لازم يكون سائل اخف من عجين الكيك …اذا احتاج
ماي زيدوا …المهم يكون سائل
بعدين انيب مقلاه و نخليها تسخن … و ندهنها بالزيت دهن خفيييييف … و نصب فيه
مقدار من العجين … و لما ينشف السطع و تطلع فيه الفقاعات والفتحات
نقلبه على الوجه الثاني و نخليه يحمر
وهني وعااااافيه
منقوووووول
الحين اكتشفت انج صدق فاشله مطبخيا
ولاكد سمعتو بخبز مخبق؟
هي هي هي
تعرفين ليش اظحك عليييج
لانيه انا اسمييييه جييييه
مايباله الا ماي وشوية سمن وملح
ورقي العييينه خليها شرات الماي
2 كاس طحين ابيض + 1 ملعقة شاي صغيرة بيكنج بودر + 1 ملعقة خميرة ( انا استخدم الملعقة البلاستيكية مال الاكل ) + و ملعقة شاي صغيرة هيل مطحون +3 او 4 ملاعق اكل حليب بودره
نخلط المكونات الجافة و عقب ..
بيضتين + كاستين و نص ماي دافي او أكثر المهم يكون خفيف + الزعفران المنقوع
من بعد ما تخلطي المكونات غطيها و حطيه ف مكان دافي شوي عشان يتختمر بسرعه يمكن ياخذ ساعه لين ما يختمر
ترا ولدي يسميه خبز مخبق خخخخخخخخخ