ساعدوني مشكلة الوالده المومة و الطفل

بنات انا امي متزوجه من سنين هي زوجه ثانية وزوجها ما يصرف عليها ولا حاطلها اعتبار حتى بيت بروحها مب حاط لها عايشه عندي اهلها عالعموم عيزنا ننصح فيها طلقه تقول انا صابره عليه واجري عند الله ادور بس الستر احسن متزوجه ولا يقول مطلقه وانا مقيمه هني في دار زايد دار الخير سويت لها فيزا عسب تيي نزورني مليت من الوحده هنيه ولما خبرت زوجها قالها اذا بتسيرين انت طالق هيه مب هامها لانها خلاص حست انه ما يستاهلها تعامله باللي يرضي الله بس هو ولا هامه فلس واحد ما تشوفه منه ولا قايم بالمسؤوليه كزوج قالت له هاي بنتي ومابخليها للعلم انا بنتها الوحيده وما عندها عيال ثانيين هي مب هامها اطلق وهلي بعد بس انا الحين انحطيت في موقف مابا احس اني خربت بيتها صج انه زوج خرطي بس احس اني باخذ ذنبها وفي نفس الوقت هاي امي ومشتاقه لها ضايق خلقي صراحة الحمدلله على كل حال

الله يعينها

انتي صلي استخاره واللي بترتاحين له سويه فديتج

والله يسهل امورج يارب

خلاص دامج ماتبين تخربين بيت امج

روحي انتي لها

انا اكره الرياييل اللي يقولون للحرمه لو طلعتي ولو ولو ولو………….انتي طالق!!!

هالشي محرم والريال اللي يقول جيه مايشم ريح الجنه وهالكلام سمعته من جريب في برنامج

الله يهديهم ويصلح حالهم يارب

الله يعينها

ربي ياجرها على صبرها

الظلم ظلمات يوم القيامة