طبعا انا طرحت موضوعي قبل عن ريلي والتلفون اللي خاشنه في السيارة…. وكان مسافر… هو رجع البلاد…
المهم اخته فتحت الموضوع معاه وقالت له حرمتك اللي هي أنا شكتك وهو ما صدق وتم يجذب ويحلف براسي انه مب تلفونه وطبعا قال التلفون مب ماله مال ربيعه المشكلة… الارقام اللي في تلفونه نفس الارقام اللي خاشنه في السيارة وخبرني قالي ليش كتمت على نفسج وما خبرتيني في البداية ومتعبه عمرج ليش ما واجهتيني بقولج حقيقة هالتلفون… طبعا أنا ما صدقته… البارحة يتصل يطمن علي….
الحين شو اسوي انسى الموضوع ولا شلون …انا مجرووووحة من داخلي….ولا اقسى عليه فترة…
فديتج حكمي عقلج فهذي الأمور وشوفي إلي إنتي راضيه عنه ولا تاخذين ع راي الناس لأنهم هم هب حاسين فيج ولا عاشو حياتج ولا شافو الموقف ,, يمكن أوكي إنج تفضفضين بس أنتي إلي أحكمي على حياتج لا تخلين غيرج يمشي حياتج ,, وسوي الشي وحطي في بالج إنج ما بتندمين إنج سويتيه و إذا كان غلط ,,
تقبلي مروري ,, ^_^
خليج أعقل عن جي وكبري عقلج 
,, نحن مأمورين بالتسامح في ديننا العظيم ,
, وانتي أحسني الظن لإن هذا من شيم المسلمين ,,
وعلميا هذا أريح لج ,, لاتعورين راسج وايد , خلي نيتج طيبة وأكيد رب العالمين بيجزيج على قد نيتج ,, وعلى صبرج على مصابج
ربي يسخركم لبعض ,, وانتي راجعي نفسج واهتمي بريلج وايــــــد ,, وخاصة هاتفيا من يطلع من البيت طرشي له مسجات حلوة من كتابتج يكون أفضل
اذكار تحفضه
واشياء تعيده لدينه ,, حاولي تركزي على الجانب الديني فيه ,,
لإن ريلج اذا خاف ربه ,, أكيد بيتقي الله فيج وبتشوفين منه كل خير
وانتي بعد ,, صلي قيام الليل ,, وادعي رب العالمين انه يصلح ريلج ,و طلعي صدقة بنية التقرب من الله سبحانه وتعالى
وحياتج بتستوي نعيم ان شاء الله
وربي يسخركم لبعض
بــــيج الظغط ومغص والشقيقه والاعصاب وبيج مرض نتف الشعر واكل الاظافر
ككككككككككككككككككككككك
شوفي الغاليه نصيحتي لج لاتتحسسينه انج تراقبينه بس كوني حذره بكل معنى الكلمه
ولاتربطين راسج بليا وجع لكن كوني حذره