حبيباتي بليز ساعدوني فمرايا الحمامات
الله يسامحه واحد قص على ريلي و خذ 2024 قاله بسوي لك مرايا للحمامات
و الله لا يراويكم للغرف حط مرايا سااااااااااااده و للميلس مسوي مرايا طويله للمغاسل و عليه نفس النقشة الاسلامية مووووووول مب شي و حتى لميلس الحريم … وانا اشوف هالسعر واااااااااايد عليهن بس هو يقول هاي مرايا سعودية و غاليه تي بس مول ماشي شكل حلووو
الحين ريلي معصب ويبا يشل كل هالمرايا مب عايباتنه … بس بسالكم وين ممكن نلقى مرايا حلوة للحمامات خصوصا الميالس شي فحم و راقي …
شفت فايكيل لقيت للغرف العادية بس ..
دلوني حق الميالس
بس يعتمد انتي كيف مسوية المغاسل ؟!
و الميلس كيف بتاثثنيه ؟ بالنسبة لي ابا الميلس و الحمام يكوونون مثل بعض من حيث الاالواان
و اذا الميلس مودرن الحمام نفس الشي .. و اذا الميلس عربي الحمام نفس الشي ..
لا تعليييق انا جي :-/
حق الغرف شي عملي .. اترومين تفتحين المرايا و اتحطين اشياء داخل
هذا يعني .. نوت باد
هذا الستايل اخس ستايل عندي .. اكرهه اكرهه ..
هذا عيبني اكثر
هذا حلوووو
شوفي قبل و بعد ..تقدرووون اتسوون جي لو مووول مب شي الماريلات
و هذا حبيت كيف مقسم .. بس خشب ؟! اكيد مب شي للحمام
انا عيبتني مغسلة كبيرة ومدخلين فيها شوارفسكي الوان روعة درجات البني والبيج والذهبي لأنه مغاسلي بني وذهبي وبيج خخخخخخخخخ
هم سعرهم شوي غالي بس صراحة يستاااااااااااااهل لو عالأقل للميلس