و انا ما اعرف اطبخ وايد
و اريد اسوي كنافه و لا شي يكون فيه شعيريه
فكرت اسوي هاي
https://forum.uaewomen.net/showthread.php?t=462864
بس ما ادري الطبقه الي تحت كيك و لا شو بالضبط ؟
ساعدوووووووووووووووني بليز
الطريقه سلهله وايد ومبينه لج الخطوت عدل
اول شي تسوين الكيكه مثل الخطوات المصوره بعدين تصبين خليط الكيك بصينيه الفرن وتحطين فوقه الشعيريه وتحطينه على طول بالفرن
وافضل تشغيل الفرن اول شي من تحت عسب ترتفع الكيكه بعدين فوق عسب تحمر لج الشعيريه وتظهرينه وتصبين الحليب مكثف فوقها وهي حاره وتخلينه لين ماتشترب الكيكه الحليب المكثف وسلامتج يالغاليه
وبالعافيه عليج وعلى ريلج
يسرج الحال الغاليه
تسلمين فديتج ما عليج زوود كفيتي و وفيتي
ربيه يعافيج
بجربها و بردلج خبر ^_^ بحلاوتها ^_____________^
:. حلى الشعيريه بالكريم كراميل .:.
——————————————————————————–
المقاديــــر :
كيس شعيريه باكستانيه
اصبع ونص زبده
نص علبة حليب نستله مركز
4 حبات جبن كيري
علبة قشطه
1 ظرف دريم ويب
1 كريم كراميل
بسكوت شاهي
الطريقــه
الطبقه الأولـى : تكسر الشعيريه وتحمس مع الزبده الى ان تحمر وتصف في الصينيه
الطبقـه الثانيه : تعملين الكريم كراميل وتصبينه فوق الشعيريه
عقب خلي يبرد اشوي في ثلاجه قبل ماتحطين بسكويت لانه انا ع طول صبيت كريم كراميل وحطيت فوقه بسكويت فاذاب البسكوت من حراره كرامل
الطبـقه الثالثه : تصفين البسكوت فوق الكريم كراميل
الطبقه الرابعه : يخلط في الخلاط : جبن كيري – قشطه – دريم ويب – حليب نستله ويصب
فوق البسكوت ويزين بالكراميل السائل ويدخل الثلاجه الى ان يجمد
جربيه وخبرينا رايج
كيوت ومن تسلمين فديتج و ان شاء الله بجبرهاااا