ساعدوني طبيب الاذن والحنجره طبخ الامارات

السلام عليكم

شحالكن عساكن بخير

بغيت مساعده منكن و*****الله بميزان حسناتكم

ولدي بلاعيمه دوم منتفخه وعادي يمارس حياته بس اذا ياهن والتهبن يتلعوز وايد وخاصه فيه الربو

وكل ما اسير مستشفى مره يقولون بلاعيم ولحميه وماي بالاذن ومره بلاعيم ولحميه ولازمله عمليه

وانا وايد متردده واخاف عليه من العمليه وصليت قبل صلاة الاستخاره ولا ارتحت ولا سويتلها ايااهاااا والحين ردت وكل ماسير لدكتور يقولي انتي بيدج تهدمين صحت ولدج ومره وحده مصريه الله ذكرها بالخير قالت عندنا بمصر يعطون الاطفال لسن معين ابر بالشهر مرتين وكانت تسوي لعهيالها بس سالتها اذا تعرف حد هني شاطر قالت ماتعرف
دخيلكن اريد دكتور شاطر بالاذن و الحنجره وين ميكوون عادي بسيرله

ويزاكن خير

ولا وحده تعرف

بنت اختي تعاني من نفس المشكلة لكن قالولها يوم بتكبر شوي بلاعيمها بيصغرن وما بتعاني مثل الحين ومب لازم عملية ، لكن أنا أنصحج وأنصح كل وحدة بالدكتور حسين عبدالرحمن في مركز الناصر الطبي في حمر عين اللي في دبي ، دكتور مواطن عنده خبره طويلة وممتاز جدا جدا ، اللي أنا أعاني منه طول عمري ومحد عرف يشخصه ، في جلسه وحدة شرحلي حالتي وعطاني حل بسيط فادني في تحسن حالتي وأنا أدعيله كل يوم .. جربيه

دكتور سيف يمني في مستشفى النور في بوظبي يمدحونه وايد

و عليكم السلام و رحمة الله و بركاته

عيادة الدكتور حسن فايق تخصص اذن و حنجره ..

اتصلي البداله و طلبي الرقم و خلاف اتصلي العياده و بيخبرونج وين هم بظبط ..

و الله يعافيكم من كل شر ..

تسلمون ماقصرتو عالرد بميزان حسناكم خواتي

واذا حد عنده فكره يخبرني لاني ابغي اوديه كذا دكتور وشوف شو بالضبط

الغاليه عندج الدكتور علي لوتاه مواطن

ووايد شاطر انا متعوده عليه ….واعالج عيالي عنده….

ومكانة في دبي….

واي استفسار انا في الخدمة….