ساعدوني شسوي مع ريلي؟؟؟ رعاية الاطفال

هلا عزيزاتي وخواتي في الله
مادري شو اكتب انا ماعتبرها مشكلة بس ابه الحل بأرائكم الحلوة انا توني ملجت وصارلي 3 شهور تقريبا وريلي مب فاضيلي ابد يداوم اسبوع واسبوع عنده اجازة فاسبوع الدوام ابد مايرمسني ولورمسني سالني عن اخباري ويسكر ولوزاد رمسني 5 دقايق بالكثير ، يخلص الدوام المسا متاخر وايد اراعيه فهالشي اقول حرام راد متاخر مابطول عليك واصك عنه وكل يوم عنفس الحالة مافي يوم من الايام قدر فيني هالاحساس ع الاقل يعوضني بكلمة تجبر خاطري
والاسبوع اللي يرد فيه البيت صح يرمسني بس بعد كل اوقاته تقريبا يقضي حاجات هله قلنا ماعليه زين وانا شو ذنبي ووين انا من هاكله ،ولورمسني مب هذاك الزود ومايسهر معاه يرقد بسرعه بس اول جم اسبوع كان مايرقد الا يرمسني بالساعات الحين ماشي منه ابد تعبت والله انا خاطري اعيش مثل مايعيشون الناس ويقولون ان ايام الملجة احلى ايام انا ماحسيت بوناستها ليومي مضااااااااااايجة شسوي معاه، ولو تكلمت معاه اقوله مقصر بحقي يقولي ادري ويرد مثل قبل
بليز لاتبخلون علي عطوني رايكم ولوسمحتوا مابه الردود اللي تجرح

لاتنسون اختكم من دعوة طيبة

اللهم اسعدني مع زوجي وحببني في قلبه وحببه في قلبي

الله يكون في عونج اتحملي

مشكورة على المرور هدى 2

حبوبه حاولي تتأقلمين ويا وضعه شوي,,يمكن هو مضغوط من الشغل..

خليه على راحته متى ما حب يدق بيدق..

تدرين حبوبه الرياييل بسرعه يملون حااولي تبتعدين شوي و خففي من اتصالاتج و شوفي يمكن يتغير..

الله يخليكم حق بعض و يتمم فرحتكم على خير..

الله يعينج المفروض بها الفتره يرمسج اربع وعشرين ساعه

عآدي حبيبتي ،،
إنتي قدري ظروفه وبتي فترة هو بقدر ظروفج ، ،

ربي يخليكم لبعض . .

مشكورين عزيزاتي وردودكم الحلوة اممم يالله بنثقل شوي شنيوي بعد هاي الدنيا