ساعدوني ربي يعافيكم المومة و الطفل

شحاالكم يا حلواات

واخبااركم ؟!

عندي موضوع صغير اباكم تساعدوني فيه او تنصحوني لو ماعليكم اماره

اول شي انا وحده من مستخدمات هالنك ..

عندي ربيعه ربي يحفظها لاهلهاا ماشالله عليها خلوقه ومؤدبه وايد .. ومعرفتي فيها من 5 سنين بس صدق احس انها اعرفها من زماان .. المهم بحكم اني انا وياها واايد ويا بعض صارت بعض الزيارات لبيتهم وهي بعد نفس الشي كانت تيي بيتناا .. فشهر 12 فاجاتني بطلب وقالتلي ان اخوها يبا يخطبني وانه معجب فيني وفاخلاقي وانا ماشفته الا مره وحده وبالصدفه .. بس هو تم يتخبرها عني واعجب باخلاقي اكثر من شكلي << لاني متينه شوي >< .. المهم صليت استخاره وحسيت برااحه بشكل كبير وقلتلها خلاص مب مشكله انا موافقه عالموضوع

فنفس الشهر ابوها كلم اخوي " بحكم ان ابوي وامي متوفين " عسب سالفه الخطبه واخوي قالهم اصبرو شوي لان عندنا شويه مشاغل ولازم نحلها .. طافن 5 شهور عالموضوع والبنت كل يوم ترمسني تقول ليش مارديتو .. وانا ماعرف شو ارد عليها .. وقالت ان اخوها مستعيل لان بيسافر يدرس برع وكلمو اخوي كذا مره وهو يقولهم اصبرو ..

من كم يوم رحت بيتهم ويلست معاها .. قالتلي تغشي وتعالي قلتلها ليش قالت بس وتعالي .. رحت معاها ولقيت اخوها يالس وامه معاه وقلتلها اسفه ما اقدر ايلس قالي بس كلمتين .. قالي هو اختارني بين البناات بسبب اخلاقي وتربيتي .. وهو متمسك فيني حتى لو بعد عشرين سنه .. بصراحه حسيت بضيجه من الموضوع انا فسن مناسب للزواج وكل ربيعاتي اللي فسني عرسوو وانخطبو الا انا .. المهم حاولت افتح الموضوع مع اختي الكبيره بس احس صعب علي اطلب منها هالطلب

واخوي من النوع اللي اذا قرر شي مستحيل يغير قرااره ومايسمع كلام اي حد الا اذا شااف ان راايه يمكن يعدل من الموضوع بشكل بسيط .. والله يابنات خاايفه اتم طول العمر ع نفس حالي ولا اعرس ويستوي حالي مثل حال اختي اللي كان اخوي يرفض اللي اييونها ولين الحين ماعرست

اليوم الصبح ربيعتي طرشتلي مسج .. قالتلي ابوها بيرمس ولد عمي لانه كبير العايله وبيفهمه الموضوع عسب يسهل الامور عليناا , بس احس ان الامور بتتعقد لان اخوي مايحب انه ينفذ الامور غصب عنه

بنات انا واايد خايفه ومضاايجه ,، بليز قولولي شوو اسوي ,، واللي تشوف الموضوع تدعيلي

مادامج صليتي استخارة ورتحتي فان شاء الله خير
اذكر وحده من ربيعاتي مثل سالفتج شوي قريبه منها المهم بعد صلت استخارة ورتاحت لما خطبوها اخوها ما وافق

بس الريال كان مصر يبيها وسبحان الله خذه واحين اهي عنده وعندها عيال

الله يوفقج لا تحاتين ما دام صليتي استخارة ورتحتي

تسلمين ياربي

الله يريح باالج دنيا واخره

الله يسلمج ومشكورة وايد على الدعوة الحلوه هذه

الله يهديه أختي وربي يسيرلك أمورك أرمي حملك ع رب العالمين وادعي ياأختي احنا بأيام مباركه وربي يقدملك يلي فيه الخير

الله يسر أمرج