ساعدوني دخيلكم اختي خايفة وتصيح للصحة

اختي حامل بشهر الثاني وكل ماتروح تسوي سونار يقولون لها الطفل عنده تضخم بالرقبه واحتمال يطلع في تخلف او عاهة ….كيف تتاكد من هشي لانها خلاص انهارات لا تاكل ولا تشرب ولا أي شي ومثل ما انتو عارفين حرام تنزل الياهل

توه بدري يحكمون توها الشهر الثاني باذن الله مافيه شي تتوكل على ربها وتصبر على اللي كاتبنه لها تدعي وتتصدق وتستغفر وماحوله شر باذن الله

خلها تستفتي مشايخ ثقة بخصوص الموضوع
لأن وحده اعرفها في الشهر الخامس قالولها تشوهات قويه في البيبي بيطلع مول مب صاحي ويجوز اتنزلينه واجهضت
و بعد لازم تشوف استشارية شاطرة تتأكد منها
عندج في الشارجة دكتورة كاميليا مركز القصر الطبي ع البحيرة و دكتورة فاطمة نوح عندها مركز باسمها
و في عيمان دكتورة شيبوو هندية ممتازة مركز مصفوت الطبي
بس لا تتأخر فالموضوع مدام بعدها في بداية الحمل

من عظام الرقبه يبان اذا الجنين منغولي او داون ……… واذا تبا تتاكد اكثر فيه تحليل يسوونه انه يدخلون ابره من صرة الام وتوصل للجنين وياخذون من دم الجنين اشوي بس وعقب يسوون تحليل ويعرفون اذا سليم او لا …… بس بعد في هاي الحاله يكون يه احتمال انها تجهض 50 بالمية اقل اكثر الله واعلم بكل حالة حمل تختلف عن الثانيه … هالتحليل يسوونه في توام بتحويل من المستشفى اذا هي من امارة ابوظبي وفيه في دبي اعتقد بمستشفى الوصل ..

انا اللي اعرفه في الاسبوع 12 يقدروا ياخذون عينة من الدم ويعرفون ، واعتقد ان بدري انهم يشخصون الحالة ، لازم تراجع دكتور ثاني

خلها تراجع دكتور بدر الدين اللي فمركز ناديه..

1- اول شي مب زين اللي تسويه قوليلها تاخذ الفولك اسد و الفيتامينات الضرورية و تاكل اكل صحي
2- تروح تسوي سونااااااار عند استشارية معروفة و تحسم الموضوع
3- احتمال ما فيه شي ليش ها الخوف وانا والله مرة قالوا لي عنده تضخم ف الكبد والله وكلت امري لرب العالمين و عقب الحمد الله ما فيه اي شي والله
4- لو طلع فيه شي بعيد الشر ترى مب بيدج ولا بيدي .. اسألي الدكاترة و المشايخ في ها المواضيع ولا تحاتين