ساعدوني خواتي في مشكلة الغتر اعمال يدوية

مرحبا خواتي .. انا عندي مشكله ويا غتر ريلي كل مااغسلهن عقب مااكويهن وعشان يستون يابسات في الكوي استخدم ميترو هذا بخاخ النشاء وشحلاتهن عقب فتره يصفرن واتلعوز فيهن كل مرة على هالحال وشو الحل يا خواتي شورن عليه جزاكن الله خير

انا بعد اواجه هاي المشكله ممكن تفيدونا

مآ عندي فكرة ,,

إن شاء الله الأخوات يفيدنج ..

مرحبا شوفي الغاليه انا غتر ريلي اغسلهن بشامبو مال الغتر باليد مب الغساله وشامبو مال العبي وعقب اشطفهن بالماي ويوم ينشفن اكويهن بنفس البخاخ الي عندج ميترو ومايصفرن مول

الغتر مايستحملن غسيل الغساله على طول يصفرن أنا قبل كنت اعاني هالمشكله بس عقب تميت احطهن فالبانيو واحط عليهن شوي كومفورت واحركهن بيديه شوي وبعدين انشفهن عادي وتكويهن الخدامه ومايصفرن بس الحين ريلي يوديهن المغسله اريح وارتب

الحمد لله مفتكة ^^

ريلي يغير كل اسبوع غترة يديدة

أول شي إغسلي الغتر بإيدج مب في الغسالة نقعي الغتر في طش وحطي عليه شوية صابون الملابس تقريبا لمدة نص ساعة لساعة وبعدين غسليه عدل من الصابون وحطيه في طش في ماي نظيف وضيفي عليه النيل (هو سائل لونة أزرق)أيي لج في غرشة صغيرة زرقة إن شاء الله عرفتية راح أتحصلينه في الجمعيات صوب الصوابين وهالشغلات….وخلية ينقع لمدة ساعة تقريبا وعقبة نشرية على الحبل بدون ما تشطفينه في الغسالة……
ولو يوديه المغسلة يكون أحسن وشغلهم نظيف……
إن شاء الله تكون فادتج هالطريقة……وإدعيلي إن ربي يسهل علي ولادتي …..