ساعدوني تعبت نفسيا المومة و الطفل

السلام عليكم والرحمة

بنات بليز ساعدوني هل انا محتاجه دكتور نفسي ولا أنا أبالغ

كنت عايشه في بيت برحي بعد ما ربيت بأول بيبي ريلي قالي بنعيش عند أهلي أمه طيوووبه وحنونه وايد واهي دوما تساعدني عشان جي وافقت

الحين صارلي 9شهور في البدائه كنت حساسه وايد وماحب أتكلم او اضحك ويا خوات ريلي بس الحين احس انهم تغيرو مادري هل هم جي من اول ولا انا كنت حساسه بزيادة

بس اللي صارلي الحين ويا ريلي
اني صايره مرات ما أطيق اضحك مع اني كنت فرفروشه ودوم استهبل واضحك ولا أخذ بخاطري بس طبعا ماكان ع اي حد بس ويا ريلي

اهو يرد من الدوام وانا احاول ابتسم له بس قسم بالله مؤ قادره
اول كنت دوم اطبخ ويعجبه الحين احس الأكل يخترب والله صارلي فتره دوم يخترب الأكل وريلي ما يتغذى ويعصب وانا أتم زعلانه ولا اكل شي اليوم كله
وصايره عصبية واااايد حتى على أتفه الأشياء اقعد اضرب في عمري وأدق ايديني في اليدار وفي اي شي بالقو واصيح لين أهدى أخذ لي شور وأرتاح

انا عندي خمول الغدر الدرقية ماعرف الشي هاذا منها ولا شو

انا أخاف ريلي يمل مني ويتزوج والله دوم أفكر به السالفة
بليز ادعولي

اسمعي الرقيه الشرعيه اختي واقري قرآن وبتهدا وبتتغير نفسيتج باذن الله

والغده تعالجي منها

تسلمين اختيه

تخيلو قلت حق ريلي يسير ويا ابوي عمره سيده وافق عمره مأسافر وخل اني بروحي حتى ماقالي شي شو بتسوية وين بترقدين أبد صح المده قصيره السفر بس حتى

والله خايفه بليز قولولي شو أسوي

مشكوره أختي

الغدد اتعالج أخذ حبوب بس مادري لين متى بضل أخذهم

دعواتج أختي

^

ي اختي لا تغيرين ريلج بسبب اللي انتي فيه
اذا انتي مضايجه ف لا تخلينه يسوي اشيا
ما تبينه يسويها، يعني قلتيله يسافر ويوم وافق
تقولين بيسافر وبيخليني بروحي !!، اقري القران
وداومي ع الاذكار وكل ما تييج افكار انه ريلج يخليج
او ما تبين تضحكين اغصبي عمرج وحاولي انج تغيرين
الجو وبتلقين عمرج نسيتي الضيجه اللي فيج، اما عن الاكل
ف ماعرف شو اقولج اختي بس اطلبيله اكل من برع واطبخي
انتي بعد بتركيز وخليه يجرب طباخج واذا ما عيبه بيكون في
بديل عشان ما يعصب لكن حاولي تردين شرات قبل وتتخلصين
من اللي انتي فيه

عليكم بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}

الحمدلله اصبري