ساعدوني بنات الله يخليكم لصحة الجسم

بدش بالموضوع بنات انا في شهري التاسع في ثاني اسبوع واخذت زيت خروع ثلاث مرات بس ما ياب نتيجه وابى اربي لاني واااايد تعبانه وعندي بنوتي الصغيره بعدها ترضع واحس موب قادره ارضعها بسبت بطني
الله يخليكم شو اسوي عسب اربي بسرعه وانا الحمد لله امشي بس بعد مافي فايده والحمد لله على كل حال ؟؟؟
والللي تدخل موضوعي تدعيلي دعوه حلوه والله يفرجها على الجميع …..

حبيبتي لاتستعيلين الله يبغيج ماتربين لسبب

توكلي على الله وان شاء الله خير

والله يوفقج وتربين على خير

مب زين زيت الخروع انا سمعت ان يسبب الاسهال ف لا تكثرين منه الا اذا ياج الطلق اشربيه مره وحده بس

وقت الطلق اما الحين شربي قرفه ويا عسل بدال السكر وايد اوك لان حار واكلي اناناس

الله يسهل عليج يارب

فيه وحدة كانت كاتبة تجربة انج تربين في اقل من ست ساعات باذن الله لو سويتي هاذي الطريقة
تعبين البانيو ماي حار وتجلسين فيه جلسة القرفصاء وحطي شي ورى ظهرش
وقعدي حول ساععة او اكثر وبسرعة يفتح الرحم ويسرع الطلق

بيطلع في ليوم الي الله كاتبنه له

بس امشي على رمل ,,والجماع

الله يسهل عليج

عليج بالجماع والعبي بحلمة الصدر تساعد على تقلصات الرحم
والمشي على البحر والجلوس في الماي الدافئ
واشربي خروع وزعفران
الخروع لازم نص غرشه واذا ما فاد اشربي الاسبوع الياي يعني لازم مره وحده في الاسبوع لا تكثرين