ملاحظه مهمه انا كحرمة غريبه شوي واااااااااااااااايد اكره السوق وما احب اتشرى يعني افضل شي عندي اتشرى من النت او حد يبيلي 
1- بيتي دوم نظيف ومرتب 
بس اثاثي حالته حاله من اليهال وهالشي مخلي نفسيتي زفته لاني ابي اثاث يديد ودوم اتعايز اسير السوق
2- اول سنة عرسنا كنت اتفنن بالطباخ الحين يالله يالله اذا مرتين بالاسبوع طبخت والباقي من امي الله يحفظها
3- ثيابي دوووووووووووم زفت البس اي شي مع العباه وخلاص وريلي ماشالله كل اسبوع ييب شي يديد وكاشخ وعطورات
4- الصالون مرة بالشهر بس اسير
5- اغراض البيت مسؤليتي اسير اتشرى عالاقل مرة بالاسبوع
الخلاصه : مب راضيه عن حياتي ودوووووووووووووم عصبيه
الحين ساعدوني كيف انظم حياتي وبيتي وبالتالي اعصابي وشكلي ؟؟؟ انا ماعندي بشكارة بس اييب بارت تايم و دوامي طويل لل3 واوصل البيت 4 ونص درب من دبي لللبيت وبصراحه وايد احب النوم يعني فاليلل لازم 10 انام
أحيانا تعدي فترات خاصة الموظفة وأم العيال الله يعينها ويساعدها ماحد يقدر ظروفها إلا الي مثل حالتها.. الإرادة هي مفتاح الحل نظمي وقتك وقللي من مدة النوم عاشري حرمة شطورة تتشجعي مافي شي صعب بس انت قرري ونفذي
اهتمي بزوجك و بأناقتك بعدك شابة وإذا تحتاجين مساعدة للتغيير أنا حاضرة
مثلا لو في حد نفس حالتي تقولي كيف مقسمه وقتها وكيف تقابل ريلها وعيالها وبنفس الوقت بيتها بدون بكشاره
يعني الموضوع للناقاش والاستفادة وبس
والشي ابدن مب حلو بس الله يلوم اللي يلومج
لانه الحرمة اللي تشتغل وعندها بيت وعيال وتجابل ريلها وتوجب أهلها وأهله وفوق هذا جامعه وشغل البيت بليا خدامة (حالتي)
اجهاد نفسي وجسدي
بس الصراحه لازم تحاولين تنظمين وقتج، وأنا هالشي بديت أسويه خصوصا برمضان
أرقد ولدي من وقت وأتفرغ حق ريلي
والبيت أوزع الشغل اللي فيه بالأيام ع حسب الأهمية يعني الغسيل أول بأول بس الكوي مرتين كل أسبوع
وما فيها شي تطلبين مساعدة أهلج يمسكون اليهال لج عسب تحصلين وقت أكثر للكشخه!
بس بصراحه، قبل لا أعرس كت مستحيل أطلع من البيت بليا ميكب أو دخون
الحين وااايد هيازه فيني ومتكاسله بشكل كبير
وهالشي منتبهه عليه وحاز ف خاطري أني مب قادرة أحصل القوة ولا الطاقة أنني أجتهد في مسألة الكشخة والشكل واللبس
مع انه عندي كل شي البيزات متوفرة وعندي ليسن وأقدر أسير وريلي ما يمانع الصالونات بس مشكلة أعتقد شي داخلي ماعرفت له حل
لكني مؤمنه أن بداية العلاج هي بالإقرار بوجود مشكلة،،
وربي يوفقني وياج وننظم حياتنا أحسن،،