أخت ريلي منتقلة لبيت يديد ومحتاريين شو ناخذ الها، طبعا سألناها اذا في شي ناقصنهم بس ما عطتنا رد معين …. كله اتقول مابا شي عليكم : )
المهم … الميزانية مفتوحة مش محدده… الفزعة يا بنات… ابا افكار حلوة ومميزة … وريلي يحب انه يكون متميز بشي … وقال لي ابا شي يوم ايدشون الناس ويشوفونه لازم يسألون عنه… : ) وايد خقاق
عليكم السلام ورحمة الله وبركاته
هلاا الغاليه
الأفضل انه تهدينهم نوع من الكماليات للبيت بحيث يكون شكله بارز ويذكرونكم كل ما شافوه…
الجو الحين بدا يعتدل ..فإذا عندهم حووش تقدرين تاخذين لهم نافوره راقيه وتكون غريبه مب مثل النوافير العاديه…
أنا شفت محل في البرشا يبيع أغراض الحدايق بس ما اذكر اسمه..وانتي يايه من شارع الامارات وتبين تروحين مول الامارت..يبيعون نوافير حلوه بعضها على شكل أحجار مرتبه ع الارضيه وفي النص نافوره صغيروونه وهم يتكفلون بتوصيلها وتركيبها… وبعد عندهم نوافير ملاصقه للجدار بحيث انها تصب مثل النوافير اللي عند مدااخل الفنادق..أعتقد هالفكره بتعيبهم واايد…
وتقدرين تاخذين لهم خيمه مفتوحه مع الستاند مالها ..شكلها يكون مثل بيوت اليابانيين يبيعونها في محل بيبرامبورت في مركز مزايا ويحطونها في الحوش ويجلسون فيها وقت الشتا أو حتى العصر…
تقدرين تاخذيلهم تلفزيون ال سي دي كبير ويحطونه في الصاله أو المجلس إذا ما بعدهم ما اشترووه..
أو تقدرين تحطين ظرف فيه مبلغ محترم ويخاذون اللي يبونه على راحتهم..
وهذي أفكاري وان شالله تنال اعجابج..
قز او فرن
لان من يطبخون فيه بتحصلون اجر انتي و ريلج
ممكن غاز أو فرن كهربائي
عجانة الفطائر
طقم دلال قهوة مع الفناجين والاستكانات يكون شي فخم
ممكن براويز حق الجدران أو مرايا
ممكن كونسول
ممكن يحطونه في الصاله أو المجلس وسويلهم أشتراك لمدة سنه في الشوتايم