شخباركن كروشات وانتن يالامهات اليديد تحياتي الحاره
اما بعد انا بحمد الله دخلت التاسع الله يتمم لي بخير وجهزت شنطه الولاده بس على اساس
اني بربي طبيعي وما بطول في المستشفى….المهم
فاجأتني الدكتوره وقالتلي احتمال كبير تربين بعمليه اذا ماتعدل وضع البيبي لانه جالس
المهم حبوبات انا مااعرف شو احتاج اذا ربيت بعمليه
فشو تنصحوني بخصوص ترتيب شنطة المستشفى بالنسبه للي بتربي بعمليه
ياريت اللي مروا بهالتجربه يفيدوني واكيد كلنا بنستفيد
تحياتي للجميع
يعني خذي ملابس تكفيج و تكفي البيبي بعد 
و اختااري الملاابس الوااسعه مثل الجلابيات لاني يوم ربيت شليت وياي بجامات و برموودااات و توهقت ما قدرت البس شي على مكان الخياطه 
يعوووور تميييت اخمممممس بلبس المستشفى لين ما يابولي لبس من البيت هههه
امممم بس احس هذا الفرق الوحيد والباااقي كله سيم سيم هههههههه
المشاركة الأصلية كتبت بواسطة BabY_Sol3eiah 
يعني خذي ملابس تكفيج و تكفي البيبي بعد
و اختااري الملاابس الوااسعه مثل الجلابيات لاني يوم ربيت شليت وياي بجامات و برموودااات و توهقت ما قدرت البس شي على مكان الخياطه يعوووور تميييت اخمممممس بلبس المستشفى لين ما يابولي لبس من البيت هههه
امممم بس احس هذا الفرق الوحيد والباااقي كله سيم سيم هههههههه
نفس كلام الاخت زيدى من الجلابيات وحقج والملابس الداخليه والله يتمملج على خير وتقومين بالسلامه وانصحج اول يوم ولاده لاتخبرين حد جان بعدها بيوم او يومين لان اليوم الول تكونين تعبانه من الم العمليه بعد ما يروح البنج وكله مسكنات وما بيكون لج نفس حق اى حد ايلج انا مربيه 4 قيصرى واسئلى مجرب
اهم شي خدي لبس زياده للبيبي