سؤال عن اللبس ..ساعدوني لتكوني انيقة

شحااااالكن بنات.. بدش دايركت على موضوعي الاول
إن شاء الله عقب العرس بسافر ويا ريلي لشهر العسل والشي اللي شاغل باااالي ومدوخني
شلون أجهز شنطه السفر وشو أحط فيها .. بالعادة شنط سفري 2 جينز وتيشيرتااااات و 2 جاكيت وبس
فياليت تساعدوني …وهيه سؤال ثاني .. انا من النوع اللي اتم فالبجامه من ساعة ما انش للعصر ..
واكيد عقب العرس ما راح اخذ راحتي جي.. فياليت تخبروني من ساعة ما اتنشون شو تلبسون و كم مره اتبدلون
مابي يقول عني شي او يمسك علي شي ومشكوريييييييييييييين

اذا انتي مسافرة من قبل رح تعرفي شنو اللي نقصك باخر سفرة وياريت تسجلي بورقة شنو الحاجيات الأهم فالمهم فالعادي 29f9c7b4

بما انه شهر العسل يعني اكيد بتمي بحدود اسبوعين. خذي معاج بحدود 6 جنزات وقمصانها. و كم تنوره وبلوزتها وعدد من قمصان النوم و الشورتات ونوعي باللبس. خذي جوتي وتعال كعب عالي. عدد من الاكسسورات علشان تكوني كاشخه جدامه. خذي مكياج وكريمات بس مب وايد. لان أهناك بتشترين. اول ما اتقومي من النوم أميد غيري لبسج مثل اذا انتي في بيتج. الصبح مخوره وبعدين علي المسي بدلي البسي مثلا جلابيه او شي مريح بنسبه لج و فليل علي كيفج حسب مزاجج. اول ايام رجعتج من السفر الصبح البسي شي كاشخ مثل مغربيه او فستان خفيف عسب أهل ريلج او أهله اكيد يسلموا عليج و يشوفوج

https://forum.uaewomen.net/showthread.php?t=1134094

هالموضوع بيفيدج، اما بخصوص البجامه اظني كل بنت
ف بيت اهلها اتم ببجامتها يوم تنش هههه بس ويا الريل
غير اذا مهتمه بمظهرج جدامه (وهالشي ضروري من البدايه
عشان تتعودين ع هالشي وما تهملين نفسج) بتغصبين عمرج
تبدلين من تنشين وتتعدلين له . .

الله يتمم عليج ع خير ويسعدج دنيا وآخره

بالتوفيق

اغلب وقتكم بتكونون تتمشون يا راقدين ..

فركزي على قمصان النوم المثيره خليها بالليل وقمصان النوم الناعمه مع البالطو حقها في الصباح ..

البجامات لا تستخدمينهن اول زواجك ابدا ..ولا تاخذين وايد جنزات وتي شرتات لانهن للطلعه بس يعني بالاسبوع بتلبسين 3 طقوم بس

اخس شي الوحده لما تلبس كل شي وكل الانواع في اول زواجها ..عقب الزوج بيمل منها ..

يعني لو كل قمصانج تكون طويله وهاديه اول شهر ..والشهر اللي عقبه تفاجاينه بقمصان النوم الغريبه والمثيره ..افضل لج وله ..

تخيلي ان وحده اول شهر ما لبست اي شي قصير ابدا وعقب فاجاته بالملابس القصيره ..تم زوجها يعاملها من اول وجديد وكأنه ما يعرفها ..

هذا التفكير الصحيح لجذب الانتباه ..

انصحج ملابس النووووووووووووووووووووووم وبجامات الصبح القصيرة >> هالشي الي بركز عليه ريلج