منو تعرف الدكتورة بشيرة؟؟
شو المراجعة عندها؟؟
!!!!!!!!!!!!
هيه عراقيه حرمه كبيره فالعمر .. وعندها خبره . .
اول مابتشوفينها بتخافين اشوي ملامحها جاده .. بس بعدين عادي سوالف والله
الدكتوره بشيره رووعه ماشاء الله عليها مع انها كبيره بالسن..
عيادتها صغيره ولازم تحجزين موعد قبل لا تيين.. لا تسوين شراتي ههههههه
.. لانج ماراح تدخلين الا عقب ماتخلص
من اللي عندها..
شوفي شو اللي خلاني اسير صوبها
طبعا انا مش من بوظبي .. من المنطقه الغربيه
تاخرت علي الدوره ورحت فحصت هني عندنا بالمستشفى <<< مالت عليهم مستشفى بيطري
سويت فحص دم واشعه وقالت لي مررره مافيج شي يمكن غازات
قلتها شو غازات ؟؟
قالت مافي حمل يمكن الغازات مأخره الدوره.. <<<<غباء واضح
وانا بمووت من الويع .. مب ويع غازات !!
ويع احسبه في المبيض
المهم
عطتني حبوب تنزل الدوره
وعقب الحبوب تريييت الدوره تنزل بس للاسف نزل بني بس
وعقب وقف
والله كنت بمووت من الويع احس كانه شي في بطني
اختي نصحتني اروح لبشيره
وقلت يصير خييييير
واجلت الموضوع
ويتني ليله مت مت من الويع قلت خلاااااص باجر برووح
ورحتلها بدون موعد
طبعا انتظرت لين ماخلصت من الحريييم اللي عندهن موعد
ودخلت عندها وخبرتها السالفه من طأ طأ لسلاااااام عليكم ههههههه
وقالت من كلامج عرفت شو فييج
وطبعا هي اي مريضه تزورها لاول مره تسوي لها فحوصات اوليه عشان الملف
بعد ماشرحت لها قالت يالله عالغرفه عشان تسوي الفحوصات
قالت لي رووحي اشلحي اللي علييج وخلي شي خفييف
ويوم خلصت قالت اوقفي
وقامت تفحص بايدينها
تفحص الغده الدرقيه في الرقبه
والثدي واورام الابط
صراحه وايد خبيره
وعقب سوت لي اشعه
مثل مالت الحوامل
فحصت الكلى والكبد والمبايض
وقالت شوووفي
وشفت شي اسووود قلت شو هذا؟؟
قالت هذا العفريت اللي مانع الدووره…
خفت قلت شووووو بيبي؟؟
قالت لا لاااااااا
عيل شوووو؟
قالت كيس هرموني..
الصرااحه اول مره يصير عندي تكيس
وخفت صرااحه .. بس هي ماشاء الله عليها هدتني
وطمنتني انه مافيها شي هذا شي طبيعي يصيب اغلب الحريم
ارتحت لهااا وااااايد وانصحج فيهااا تراهااا حبوووبه
ملاحظه:
الدكتوره بشيره من زمااان بالامارات
كانت مجنده يعني بالجيش من 1989 الى 1999 برتبة نقيب طبيب
وبتشوفين هالشي وبتقرينه من شهادتها معلقتنها في غرفتها
وعقب استقالت وتوظفت في مستشفى زايد العسكري
وبعدين سوت لها عياده خاصه
وعيادتها في شارع النجده – ابوظبي
بناية نكست الطابق الاول
.. بس انصحج سيري مركز الامير الطبي – الدكتور ماريان
ممتااااااااازه جدا ^.^