أول شي .. رجاء لاحد ياخذ الموضوع شخصي أو يجلبها ضرابة …
بس جد … يا على بالي السؤال
يعني المربربات اذا شافوا عمرهم فالمنظرة … انزين ما بنقص على عمرنا ونقول الجسم حلو!! نشوف المطبات والغمازات والأشيا المترهلة هني وهناك وفوق كل هذا … ولا اقول مب لازم اكمل عارفين الباجي … المهم نشوف أجسامنا ونعرف انها مب حلوة 
كل هالعيووب ….. هل ممكن ايي الزوج وينعجب في الجسم؟؟ ارمس جد ترا 
هالسؤال لازم أعرف جوابه!!!
هل ممكن ينعجب الرجل في جسم المرأة بالرغم من العيوب اللي فيه؟؟؟ ولا يشوف ويسكت ولا يعلق متأمل خير في حوريات الجنة؟؟
مابي سوالف الجمال جمال الروح 
أرمس عن الجسم أنا 
أعتذر لو سؤالي كان عيب 
في فئه من الريااييل يحبون هالجسم
بتقولين كرش وغيره
صح كرش لكن طول الوقت لابسه لبس خافي عيوبها بالكامل
بتقولين حزت العلاقه الحميميه
بليت خافت ماراح يبين شي
هالامور يبغيلها ذكاء بس عن جد في كم شخص خذوا بنات اوزانهن ٩٠ من الاهل
وهم الرياييل سلق
وترى الناس اذواق واذا تشابهت الاذواق جان بارت السلع
الفتن صارت بكل مكان ومن رايي الحرمه لازم هالايام تهتم بعمرها في وايد اشياء تحل المشكلة ما صارت معضله في زمننا هذا
خدي عندك زوجي اشترك في مركز للرشاقة والله بشهر نقص 10 كيلو ماشاء الله
لذا الي تبا ترتب نفسها مب صعبه في هالزمن
وفي فئه من الرجال سبحان الله يشوف حرمته وين لو كانت ما كانت
ما تستوي اصابع اليد
تقبلي مروري ^_^
اذا الريال اتزوجها هي متينة بيتقبلها بس اذا ضعيفة ومتنت ما اتوقع بيقبل هالجسم
المليانة حلو ذراعها يوم تلبس شي بنوتي وجسمها بالجينز بيكون حلو مربرب بس اذا متينة وايد بصراحة ما احس بيتقبل الكرش النازل او الصدر المترهل او الخطوط البيضا شكله منفر شوي
بعيدا عن الزوج يقبل او لا يقبل بصورة عامة حين تتزوج البنت يفترض يكون وزنها طبيعي ومع سنوات الزواج والأنجاب يزيد الوزن هنا يكون
بتدريج وأكثر الأزواج عادي عندهم وسعيد كمان —
لكن أن يتزوج الرجل عروسة بوزن فوق المية هؤلاء فئة محدودة ويحب ذلك وما عندة مشكلة
لكن اغلب العرسان يفضل ان تكون عروستة بوزن معقول ولو نظرنا للمسئلة صح حتي تستطيع تتحرك وتكون خفيفة وقادرة علي الحمل والولادة
انا الحين ام لبنات وشباب حريصة مع بناتي وأشدد عليهم من زيادة الوزن لأنه فعلا مرض مثل آي مرض لأبد علاجة
عيل شو بتقولي لو قلت لج ان في ريايل يدورن السمان دواره هههههههههههههههه الدنيا اذواق وفي حد ما يحب الضعاف مول ويفضل السمينة عليها وفوق اللبس ما ينبان الترهلات وفي حريم يعرفن ينسقن لبسهن بطريقة حلوه وفي ضعاف حتى لو جسمها حلو ما تعرف ترتب عمرها ولا تلبس عدل
والحياة حلوه والدنيا ماشيه على المربربة وغيرها وكلن لاقي نصيبه فيها