سؤال بخصوص الاشعة التفصيليه للحامل للصحة

السلام عليكم

اشحالكم خواتي ؟

عندي سؤال انا اراجع فمستشفى حكومي و طلبو اسوي اشعة تفصيليه للجنين
هل هالاشعه عاديه و لا ضاره ؟
و منو سواها ؟
هي يسوونها بس خلال ثلاث اسابيع من الشهر الخامس ولو دخلت السادس خلاص ما يستوي يسوونها

ابا معلومات عن هالاشعه بليز اللي اتعرف

ان شاء الله الحلوات يساعدونج اول مره اسمع عنها شكلها يديده بس اتوقع تخليهم يتاكدون انه كل شي فالبيبي طبيعي واماظن بيسون شي مضر والله اعلم

حيوية هالاشعة بالعكس ما تضرج
يشوفون كل شي فالبيبي بالتفصيل و أحسن عسب يتأكدون من كل شي
توكلي على الله

موفقه حبيبتي ..

ماعرف اذا هي نفسها اللي سويتها
قالولي اقدر اسويها في المركز الدولي للاشعه
وكان هالمركز متخصص للاشعه بس
عادي هو نفسه السونار بس الاجهزه متطوره اكثر ويسوون 3d بعد
مافي ضرر ان شاءالله

الإشعه التفصيليه هيه سونار عادي يسوونه بس يكون أوضح
أنا سويته إلي هو مال التشوهات الخلقيه لا سمح الله
أنا سويته بأول الخامس.
أنا في البداية عبالي إشعه وتضر بس لمئ سألت خواتي قالوا عادي جهاز سكان على البطن
أنا إلي سويته كان ثلاثي الأبعاد ملون بلون بني فاتح بس كان واضح
فلا تحاتين هوعباره عن سونار

ما اعرف عنها شي بس استفدت من موضوعك