اشلونكم انشاءالله بخير …
هذي اول مشاركه لي في المدونة …
وابي منكم خدمه أذا ممكن ؟
أنا من الكويت ويايه الأسبوع الياي أما وريلي دبي سياحه وهذي اول مره ادخل فيها الأمارات وحبيت تساعدوني أذا ماهيها أزعاج …
ومشكورين حبايبي …
ما بندليج اي مكان… ما نقدر… عيزانين خخخخخخخخخخخ
اسوووووووووووووووولف
يا حيالله اهل الكويت في الامارات وفي دبي
آآآآآآآآآآآآآآآآآآآآآآآمري بس انتي … شو تبين ونحن من هالعين قبل هالعين
وان ما شالتج الأرض تشلج عيوونا
وتسلمين ياحياتي …
والله عندنا في الكويت يمدحون الامارات وايد ويقولون انها غير كل شي فيها …
وانا بسراحا يايه ابي استانس …
وابي فندق قريب من السوق … دبي …
إذا تبون تحوطون في المولات ممكن ترتبون جدولكم الصبح بحيث كل يوم مول معين
شوفي الانتركونتيننتال – فيستفال سيتي..
سعرهم الحين في الصيف 1000 درهم تقريبا مع ريوق في البوفيه اللي تحت… رووووعة الغرف والأكل بصراحة.. وحذال الفندق شي بعد كراون بلازا.. ما شفته من داخل بس اتوقعه راقي…
وعدالهم على طول فيستفال سيتي .. مول عود…
تقدرين بعد تسكنين في الكمبنسكي مول الامارات غرفه روووعه – وعداله الموول.. وبعد كبيييير
السيتي سنتر بعد فيه فندق… بس ماعرف غرفه كيف شكلهن اتوقع حلووات….
ممكن بعد تسكنون في شارع الشيخ زايد… فيه فندق دوست دبي – شنغريلا- كراون بلازا- فيرمونت….
وهالفنادق قريبة على مول الامارات – ميركاتو- السيتي سنتر – فيستفال سيتي
والتكاسي مثل النمل وين ما تبين تسيرين بتحصلين تكاسي…
وهلا فيكم والله ادري انها ديرتي الثانيه …
انا الحين محتاره بين فندقين تاج بلس وحياة رجنسي انتم اشرايكم وابيه يكون عن السوق قريب …