زوجي يعايرني المومة و الطفل

والله اني متغصصة ومنقهرة من ريلي , ومن اسبوع ساكته عنه وما اكلمة
عايرني لاني ما حملت لين الحين , ولا يبت عيال , صار لي متزوجة من سنه وشهرين
ورحت اتعالجت , وسويت تحاليل في كل مكان , وكل النتايج سليمة , ويقولون مافيج شي
تقدرين تحملين عادي , انتي مب عقيم
انزين انا شو اسوي يوم ربي ما رزقني بذرية لين الحين ؟؟ شو ذنبي ؟؟
والله اني اكثر من الاستغفار 1000 مرة , بس ربي مب رايد لي الحمل
فكرت اطلب الطلاق , ولا ان حد يعايرني لاني ما يبت عيال
قولوا لي شو اسوي ؟؟ شو الحل ؟؟
دخليلكم لا اطنشوني , انا افكر في الطلاق بشكل جدي ومووول مب قادرة ارقد من التفكير فيه

الله يرزقج بالذرية الصالحة يارب
واختي لا تفكرين بالطلاق ابد وانتي الحمدلله تقولي كل شي تمام يعني ان شالله بتحملين
اتصدقي ولو بشي بسيط وصلي القيام وادعي ربج يرزقج واكثري من الدعاء في السجود " ربي لا تذرني فردا وانت خير الوارثين" وانتي مب اول وحده ولا اخر وحدة تاخرت بالحمل فية بنات صار لهم سنوات وبعدين حملو فتوكلي على الله ونصيحة اختي منج حقج لا تفكرين بالحمل نهائيا لان التفكير ياخر الحمل وهذة حقيقة وربي يرزقج هذا الشهر ان شالله يارب وتشوفي ضناج جدامج يارب

الله يرزقج بالذريه الصالحة ان شاءالله
زيدي من الاستغفار والصلاة على النبي عليه الصلاة والسلام وسورة البقرة

اختي حرام عليج انتي مكملة سنة بسم الله ليش مستعيلة

بنت اختي كملت 6 سنين ما يابت عيال و فجاة حملت عادي حبوووبة

و بعدين بصراحة يعني انتي سويتي التحاليل ؟؟ ريلج سوووى التحاليييل !!!!!!!!!!!!!!!!!!!!!! بصراحة و خلج صريحة لو ما سوى

خله يسير يسوي بأسرع وقت

وما عليج منه قولي له نتايجي سليمة و الحمد الله وما فيني اي عيب
و طنشي رمسته ولا جنج سمعتي شي و عادي سولفي ولا تزعلين

! ريلج بصراحه غريب
قوليله جيه انته ماتسير أتسوي تحاليل !
الله يهدييه يارب
وبعدين سنه وكم شهر شويه
لو 10 سنين شو بيقول ؟

حمد لله علا كل شيء
كل تاخيره فيها الخير