زوجي الخاين لتربية الطفل

السلام عليكم خواتي .،

مساكم ورد

بدخل فالموضوع ع طول ؛
أنا متزوجة صار لي سنة و نص تقريباً ؛ طبعاً من دون حفلة خطبة و الحفلة ملكة و لا حتى حفلة عرس و السبب في كل مره يتوفى حد من أهلنا ( الحمد لله ع كل حال هذا بلاء و أختبار من الله سبحانه وتعالى)

و أقول ربي إذا أحب العبد إبتلاه في أي شئ يتمناه و هاذي خيره ؛ حياتي كانت عسل على عسل أول 3 شهور بس و عقب حملت ع طول و الجنين و أنتشر الخبر و طبعاً عيون الناس ما ترحم (كيف حملت و هي توها عروس!) كرهت عمري و الجنين و البيت و طلع السب (العين) و مات البيبي و هو فبطني

و بعدها بشهرين حملت مره 2 و تعبت وتعذبت ربي ثبت حملي لاني أداوم ع القرآن و أتابع عند مطوع يقرأ عليه ؛ و فترة مراجعات حمل و سكري حمل كل ما أقول لريلي عندي موعد يقولي دبري عمرج روحي ويا أخوج ولا قولي لأبوي ولا دقي لحرمة توديج ؛ قسم بالله قبل الموعد بأسبوع و مرات أسبوعين أتصل أدور حد يوديني بس ؛ و هو إذا عنده شغل بيطنش دوامه و بيروحه و إذا طلعات ربعه و حواطاتهم لقطر و السعودية و عمان بياخذ إجازة و بيروح بالـــ 4 أيام و الأسبوع و أنا يوم يقولي دبري عمرج مع أي حد! ؛ صارت روحت المواعيد مذله في مذله ؛ السواقة مب مخلني و لا طايع ايب دريول أو حتى دريولية. ؛

و أول أسبوع عرس سافرنا تركيا (طبعا أخوة لي حاجز ولا هو أبداً ما كان ناوي يحجز حتى لو دبي) من ثاني يوم سفر شفت لستة البيبي مسن نصها بنات (و قصص حب و غرام) و سكت و كان طول فترة سفرنا يطلع و يخليني فالحجرة و يأخذ تلفوناته ؛ و مره طلعه من الحمام عزكن ربي و لابسه و كاشخه و اشوفه يشوف صور بنات شبه عاريات ع الفون! رديت و سكرت باب الحمام بقوة و سويت روحي ما شفت و يلست عداله و شفته يحذف صور البنات قلت يبا يغير حياته و يبدأ من يديد وياي عطاني الآيفون و قالي تبين ادشين النت مسكي ؟ و شل البلاك بيري و ودرني وراح!

و ثاني يوم طلعنا نتمشى في حديقة و الجو كان في قمت الرومانسية و حضرته قالي والله انا يوم كنت أدرس في أمريكا سويت كل شي في حياتي حتى البنات !!!!!! (طنشت و سكت و قلت يعترف لي يبا يتغير)

ردينا البلاد و ردت الحياة الطبيعه ؛ طبعاً يداوم في بوظبي طول الاسبوع ما يرمسني ولا يتصل و لا مسج و يعاتبني أنا و يقولي مقصرة في حقي وانا اصلا أصبح و أمسي بمسج و اتصل و لا يرد و هو قابض خط بوظبي اخر الاسبوع كل ما اتصل مشغول و مشغول و مشغول ؛ مهملني بطريقة زفته

و بالصدفة و أنا في أواخر حملي الثاني أشوف مكالمات باسمي روحي و حبيبتي و قلبي و محادثات لوحده صور و كلام كأنه تكلم ريلها و مصوره عمرها بليا ثياب !! قلت التقصير مني و واجهته باللي شفته و أنكر و قال لي هذا ولد فلان انتي من تعب الحمل ما تشوفين قلت زين و اصلا يوم واجهته تغير ويهه و بدأ يرتجف كان مبين أن في شي و قررت أتجرأ من الحياء و صرت أسبوعياً أسوي مفاجأت و أجواء و لبس حتى لو عندي فلوس أو ما عندي (لو أن كان مصروفي 2024 درهم شهرياً و بدأ يتقلص لين وصل الحين 500 درهم) حتى لو فيني حيل أو ما فيني أسوي له ؛ بس يدخل يشوف يسوي روحه مب متفاجأ أبداً و يأخذ حاجته و يرقد

طلعات ما اطلع و العذر الحين بنته ؛ مصروف ما يعطيني و العذر أنتي ما تطلعين شو تبين الفلوس ؛ إحتياجاتي الخاصه أنذل أسبوع و أسبوعين لين ما يوديني الجمعيه أخذ و يتم لي لا تكثرين ما شي فلوس أنا الحديد و إذا طلبت منه يطلعني نحو يقولي انزين هاليومين ( و هاليومين من سنه أسمعها و لا طلعت) محبسه في هالبيت بين أربع طوف الا يوم الجمعه يكون جمعت الاهل و يقولي دوري لج مكان انتي و بنتج و ركبي ويا أي حد انا مشغول السبب أنه قرر يستوي بدوي و يسوي عزبة نفس ربعه 24 ساعه في هالعزبة و يا ربعه

و الحين حملت للمره الـ 3 و من شهر و نص أقوله ابا أروح للدكتورة نسائيه فيني ويع في بطني و ظهري نفس ويع المخاض فيني إلتهابات و فطريات و يقولي باجر كل يوم باجر مادري شو الحل

سوت كل الطرق كلمته بهدوء و بعصبيه و زعلت و مرات ما ارمسه و أطنشه. ماشي فائدة أبداً
يوم أتضايق و أسكت يقولي ولا كأني ريلج ما تشكين لي كله تكتمين و إذا تكلمت يقولي شو مب عايبتنج هالعيشه حمدي ربج غيرج يتمناها

شو الحل اباه يهتم فيني يعطيني حقوقي إذا احتجت شي يلبيه و يطلعني نفس الناس ؛ يهتم في بنته مب إذا قلت له شي يقولي شوو هالحاله كله مشتريات
و الحين حملني (حملت) ؛ و عقب ما حملت قالي ليش حملتي مب كأنه متفيقين ماش عيال ؤ بني توها شهرين

ابا نصايحكم خواتي لو أسوي ما أسوي بعده على علاقة ويا بنات و حريم و مهملني و مطنشني. و يقولي انتي ما تسالين عني يبا اهتمام و هو مش مهتم فيني و انا صار لي شهرين أنام و انا اصيح من ألم بطني و يشوفني ولا كأنه شي مستوي

مادري شو كتبت كلامي ملخبط بس و الله اكتب وانا منقهره و اصيح

اسستغفر الله شو هالرياييل

ماشي خووف من الله ابدا ..

الله يكون بعونج اختي ويصبررررج

بس انا من رأيي انج ما تسكتين له ..

كلمي اهلج يرمسونه ويصلبوونه

الله يصلحه ويحط فقلبه الرحمه والموده لج يارب باذن الله انتي باين عليج طيبه والله بيعوضج خير استري عليه ولاتدخلين حد بينكم وربي بيهديه

الله يهديه لج بصراحه مب من صالحج إنج تسكتين العلاقات المحرمه بتييب لج الأمراض انتبهي ولازم حد من أهلج يتدخل الرياييل يبالهم ريال يعني أخوج او أبوج

الله يهديه ويصلحه
أول شيء لازم تداومين ع قراءة القران والاستغفار

ثاني شيء ليش ما تجربين تطنشينه ولا تحسسينه انج ما تقدرين تعيشين من دونه يعني لو عندج مواعيد خلي حد من أهلج يوصلج واذا طلب شيء طنشيه عشان يحس شوي ع دمه

كان الله في عونك …

اله يهديه يارب …

نصيحه نوعية ريلج ما يباله تطنييييش ابدا لانه يلومج اذا سويتي له طاف
فأنا أنصحج بقووووه أنج تلزقييين فيه لزززززقه اصبري عليييه لين يتعود و ينجلب روحه صوبج …
تقربي منه أكثثثر شي طلعيله مشاعرج اتجاه لا تروحييين مع اي حد غيره و إن قالج روحي مع اخرج و لا ابوج و لا دبري لج حد قولي له هب مسؤلين عني الحين أنا في ذمتك و مابا حد يودينب و ايبني غيرك لو أتم في البيت و أتعب من المرض هب رايحه إلا معاك هليه عطوك أمانه و أخذتها و إنته فرحان فصون أمانتك لين يوم الدين و خاف الله فيني و ذكريه بالله وايد و تمي طرشي له يوتيوب دعوي ع البي بي مسن قصص قصيره للتوبه صورر للتوبه حاولي تقربينه من الله و عرديه ع الصلاه في المسييييييييييد و نبيهيه في كل وقت للصلاه بمسج و علميه باهمية الصلاة في المسيد و أنها فررررض علييييه و القصص وااااااايد و العظه و العبره وايييد و المطاوعه ما قصرووو في اليوتيوب دوري مقاطع مؤثره و قصييره عندج خالد الراشد وايد مأثر …
خلي همج أن هالريال يصلح دينا لان لو صلح دينه كل شي فيه بيصلح …
و إنتي تقريي من الله عز وجلو دووم كرري اللهم اقر عيني بهداية زوجي و صلاحه و تقواه …
و قولي له أنا تعبااااااااااانه من الدنيا أبا أروح مكه و حاولي تقنعينه بتتغير حياته وااايد …
هيه و بخصوص أنج ما تشوفينه غير في الويك أند هالشي واااااااااايد يبعد الريال عن حرمته و يخلي وجودها و العدم وااااااااحد لازم تغيييرين نظامج و تتحولييين إلى لززززززززقه ما تخلينه ما تخلينه ما تخلينه
و هاي نقطه سلبيه منج أنج تخلين ريلج كل هالفتره روحه فانتبيهي إختي قوليه مكان إنته هب فيه انا ما أباه خلالالااص لو أعيييش معاك تحت شييره بس أشووووفك كل ليله و أرقد في حضنك هذا يكفيني ….
و لا تخلينه يقنعج بالعيش بروووحج لا ثم لا ثم لا تحوووووولي من ساااكته عن حقوقج إلا كان حي يآخذ حققققه بذكااااااء و نشبه لا تعطينه مجاااال و اصبري ع هالبرنامج فتره و بتتغير حيااااتج مليييييوووووون بالميه …
و دايما من يقولج شي و ما عجبج طلعيله فتوى من اسلام ويب و نبيهيه بالقران و السنه …
و الله يصلح حلنا و أحوال المسلمين …

مع الاخت