زوجة ولكن المومة و الطفل

السلام عليكم ورحمة الله وبركاته

شحالكن حريم وبنات
من زمان ما طرحت موضوع واليوم خطر في بالي موضوع يديد طبعا استلهمته من واقع وحدة أعرفها

موضوعي هو الريل أو خل نقول الزوج, فيه حريم حياتهن كلها محورها الزوج فقط لدرجة انها تهمل نفسها وعيالها عشان هالزوج
كل شوي حامل ولا تتعدل ولا تتلبس ولا تسوي اي شي يخصها والعيال قمة في الإهمال حتى عقاب على الغلط ما فيه, بس همها الوحيد
ريلها عن يتزوج عليها ولا يسولف ويا بنات ….الخ
تراضيه بأي شكل بس ما تحاول تكون صاحبة كيان أو كلمة, ما تحاول تكون جميلة في عين ريلها وهني السؤال ليش كل هذا؟

ليش الريل هو كل شي وأكون انا ولا شي بس عشان ما يزعل ولا يتزوج؟!

شو رايكن فالموضوع؟

رايي الشخصي ان تبدين نقاش بعد ما تتزوجين ان شالله …

لان كل شي باعتدال واللي تهمل جانب من جوانب الحياة ف تتأكد انها راح تخسر بلا شك

حبيبتي تسلمين على ردج
بس ارد واقول مثل كل مرة موضوع الزواج من عدمه ما له علاقة بفهمي في الحياة الزوجية
حتى سؤالي فيه نوع من طلب الفهم عشان يوم اتزوج اعرف كيف امشي حياتي بدون ما يأثر
علي ريلي ويحركني مثل ما يبا وكأني آلة عنده.

شكرا الغالية

مش غلط الوحده تهتم ب ريلها بس الغلط انها تهمل عمرها عشانه

كيف يكون ريلها محور حياتها و هي ما تعدل و لا تهتم بنفسها ما تركب ابدا ما تباه يتزوج عليها كيف و هي ما تهتم بنفسها أحس السؤال مب مفهوم اختي اسمحيلي

تسلمين عالرد حبيبتي
وصح كلامج الاهمال شي غلط بس مب فاهمة ليش بعض الحريم جذي

شكرا

هلا حبيبتي تسلمين عالرد
قصدي بمحور حياتها يعني تهتم بس باللي هو يباه يعني اكل وشرب مثلا, تسلمه بطاقة البنك مالتها ويحدد لها مصروفها منه
لاصقة فيه 24 ساعة جنها ظله وتحمل بس عشان ما يطير من ايديها كله ورى بعض ما ترتاح
بس اهتمامها فيه هو بدون ما تهتم في نفسها ولا تتعدل جدام ريلها يعني يوم تجوفينها تلقينها مهملة في شكلها ومنظرها حتى لبسها
تحاول بطرق ثانية انه يتم عدالها بس هو تكون عينه زايغة عالبنات من مناظرهن واشكالهن
وايد حريم بهالطريقة فاهمات الاهتمام بالزوج غلط يعني اهتمامها بزوجها على حساب نفسها وعيالها
يعني عادي ما تلبس كندورة حلوة وتتكشخ وعادي تحمل عقب الأربعين مرة ثانية وعادي ولدها ولا بنتها يسرقون بس ريلها ما يتزوج عليها!
هل هذا شي منطقي انه حرمة تعيش حياتها بهالطريقة؟!

شكرا