سمعت كلام من المنتدي أن مستشفي الواحة مع استخدام بطايق التأمين زاد الضغط عليهم فصار ممكن تربين "تولدين"وبينج وبين إلي عدالج ستارة هل هذا صدق ولا؟؟؟
ردوا علي بسرعة الله يخليكم ولادتي قربت ومن سمعت هالكلام ما أطمنت الصراحة
!! عنبو دشيت مستشفى خاص لقيت فوق الخمسين حرمة تتريا دورها ؟ وبعضهم يايين بس chek up !!!
يعني طلعت فيهم امراض وبلاوي اول ما طلعت البطاقة ؟؟ حسبي الله عليهم
انا اتعالج بدبي
وإختي الحين هذا أول حمل لها كانت تتعالج فالواحة ومن قاموا ياخذون الضمان الصحي والمستشفى ازدحم
قلتلها حولي توام وحولت..
لأن توام للمواطنين والمواطنات فقط والواحة مكس من جميع الجنسيات ..
وإن شاء الله بتربي بالسلامة فتوام
الله يسهل عليج وعلى كل حامل إن شاء الله ^_^
ومستشفى الامارات الدولي من قاموا ياخذون بطاقات الضمان كنسلوا الولادات عندهم .. !!
وما نقول غير الله المستعان !!
حتى توام !! والله اني مرة سرت لهم الطوارئ وحالتي لله .. تدرين انهم خلوني 3 ساعات وربع اتريا ؟؟ وعلى شو؟ ما يندرى ..
استغفر الله ياني احباط من كل مستشفيات وعيادات العين .. والمصيبة هذا مستشفى الامارات رحت لهم مرة وما نفعوني خير شر
عنبو وصلنا لهدرجه !!
اختي روحي توام او مستشفى الجيمي احسن لج
وغالباً اسير عيادة الجاهلي صح إنها زحمة بس الواحد بيتحمل غصباً عنه إذا كان مريض
ولا حد من عياله مرضى
قبل ضمان كنت اتعالج وأعالجهم فمستشفى الامارات لكن من عقبها
الله لا يروايج الزحمة وما قمت اسيرله ..
بس اتحمل ضغط توام ولا المستشفيات الثانية .. لأن توام الوحيد للمواطنين .. ملوكة
ومالنا غير الله .. وما نقول غير الله المستعان بس ..