زاوج بنات الفجيرة لاناقة المرأة

هلا خواتي
انا حبيت اعرف كيف اتم الخطوبه عندكم اهل الفجيرة يعني اشوفوا العروس ويتموا فتره او على طول يكملوا الموضوع ارجوا الافادة.

شكراااااا

وين التفاعل

هلا أختي بعد ما يشوفون العروس على حسب إذا تمت الموافقة من قبل الطرفين أيون يسلمون المهر وجي أتم الخطوبة الرسمية

هلا يمكن ما فهمتوا قصدي أنا وحده من ربيعاتي من عجمان تقدم لها واحد من الفجيره وزاروهم أهل المعرس وشافوا العروس بس ما ردوا عليهم يمكن السالفه من شهر اشو تتوقعون شي عادي أو خلاص اتفركشت السالفه يمكن العروس ما عيبتهم.

غريبة المفروض يكون في رد موافقين أو لا شهر وايد بصراحة الله يكتب اللي فيه الخير إن شاء الله

والله ماتقدرين تحكمين
وتقولين أهل الفجيرة كلهم جي .. مافي شيء فترة محدده
كل شيء قسمة ونصيب
مكتووب لج يتأخرون في الرد والا انه يحددون بنفس اليوم كل حد بنصيبه

اعتقد شهر مناسب إذا هم يببون يفكرون لكن فوق الشهر
ومحد سأل ولا اتخبر ولاشيء … بكون شيء غريب
ويمكن صارت عندهم ظروف خاصة اضطراريه مب بإيدهم خلتهم يتأخرون بالرد

خل تسأل أهلهاا والوالده أو الوالد يكلمونهم ويشوفون رايهم
ع الاٌقل من باب يتخبرون عن أخبارهم وأحوالهم ….

والله يتمم على خير
ويبااارك لكل البنات إن شاءالله

^_^

مشكوره أختي على مرورج الكريم