هذا هو موضوعي الذي أطرحه كحل جزئي لمشكلة العنوسه المتفشية بالخليج وأرحب بجميع الآراء المؤيده أو الرافضة … بشرط أن تطرح بكل احترام …. وشكرا
وأنا لا أشجع ولا أعارض
بس بنسبه لراي انا شفت وايد مواطنين معرسين من وافدات ومرتاحين وياهن
وانا سئلت اقربائي واكثر المعرسين من وافدات عن السبب الي خلاهن يعرسن على وافدات
واتضح لي الاتي
انها قليله المهر
جميله وبغض النظر بنات بلادنا بعد حلوات
مريحتنه من لبس وكشخه ودلع وانها ماتستحي من الامور الزوجيه
يوم انه يطلب منها شي ماتقصر وياه بشي
يوم انه يعصب او يزعل عليها ماتسير لااهلها بالعكس تراضيه وتاخد بخاطره ماتسير لااهلها ركض
وبنسبه للمهور قالولي مهوركن يا بناتنا غاليات صحيح انكن تستاهلن واكثر بس شو ذنبنا نتم على الديون طول العمر
قلتلهم زين الوافده يوم تسافر تبا وتبا حق اهلها من مخاسير
قالوا في السنه والاثنين والثلاث مره نسفرهن
بس انتن يوم تبن تسيرن عرس بجم تفصلون الفستان والمكياج والتسريحه والاكسسوارات والخ
هن مايطابن هالشي الا نادر يوم تشوفيها عندها ربيعات اصلن
المواطنه تطلع وتروح عند ربيعاتها وتهتم بعمرها اكثر عن الريل
الوافده لا قليل جدا واكثر شي اهتمامها بريلها
المواطنه تبا موتر وتبا بيت بروحها وتبا وتبا الا مارحم ربي
بس الوافده ماتبي هالشي كله
والمواطنات ادا جانت ام المعرس هنديه او وافده مايبونه برغم من انه مواطن
يطر ياخد وافده
وهني ترتفع نسبه العنوسه عندنا في البلاد
واشياء وايد وايد حتى اني صخيت من سمعتها
ويقولون لاشك ان رقه الثوب منه وفيه تكون احسن
بس بنات البلاد للاسف ينظرن للمظاهر اكثر
سئلتهم عن سعادتهم قالوا نحن مرتاحين وياهن وبالاخير الحرمه حرمه نفس ماعند المواطنه عند الوافده وكلهن حريم
وبالاخير لاتنسون ان كل شي قسمه ونصيب
وادا رب العالمين امر بشي مستحيل اي احد يغيره
وهاي حكمه الله
وجعلناكم شعوبا وقبائل لتعارفوا وان اكرمكم عند الله اتقاكم
موضوع تم تقطيعه نقاشاً فيما سبق ، و هو من أكثر المواضيع المعرضة للإغلاق بسبب كثرة المشاكل (:
من الأفضل أن يتم توجيه هذا السؤال إلى الشباب الذين سبق و تزوجوا من أجنبيات ، لا إلى البنات !
عن نفسي أحد أقاربي قد تزوج من وافدة و كان سببه ( المواطنة خقاقة و بتكسر ظهري بالطلبات )
قد لا أوافقه على كلامه 
لكن في البداية و النهاية هو النصيب و المكتوب ..
و لكل سببه الخاص ، قد يكون قصة حب ، أو طيش و تمرد على التقاليد ، أو عودة للأصول ( المواطنين المتجنسين ) و غيرها كثير ..
☆ ★☆
ليش لاااء ….
اهم شي دينها
بس في حياتنا اتكون عقبات مستقبليه الا اذا الزوج كان مرتب امور حياته
ويعرف انه مو متزوج للعب متزوج للاستقرار
علشان ماينفرون باجر هم وامهم وماعندهم خبزه ياكلونها
وجعلناكم شعوبا وقبائل لتعارفوا وان اكرمكم عند الله اتقاكم